Hi Ruangah Hin Chin Party Cu Vote Pek Awk An Ttha Rih Lo

Chinmi nih cun Chin party vote ding hrim a si timi cu kan i fiang dih cio ko hna lai dah. Asinan atu lio i kan ram dirhmun ttha tein kan zoh tik ah ralkap pawl nawlngaihnak vialte hi tei dih ta a herh. Mah ralkap nawlngaihnak tei kho dingah chin party nih rian an ttuan kho hrim rih lai lo. NLD party lawng nih an ttuan khawh timi hi kan hmuh fian cio dingah a biapi taktak mi a si.

Chin party nih cun kan coka bia le kan zatlang hruainak ti bantuk hrawng hrang lawng a ttuan khawh lai. Sinain NLD party nih cun phunghrim pi a remh khawh i, tthenchonak tiangin a ttuan khawh fawn. Cun Hramhram ralkap uknak zong an doh khawh. Cu ruangah tutan time khat hi cu NLD kan vote rih a hau ko.

Adik mi Democracy ram kan phan rih lo. Ralkap nih uknak an lak tthan sual lai timi tiang kan ruah chih a herh. Cu lawng si loin Canstitution kan zoh a herh. Federal kan si rih lo ruangah mah hi doh ding cun Chin party an si kho lo. NLD lawng a doh kho ding an si. Chin Party cu an si kho rih bak lo. Federal Democracy ram taktak kan si hnu lawngah Chin party dirkamh ding a si. Kan ruah ning cio chuah hna usih. Ref: CIM

Minung pakhat nih Chin Party a hmuh ning cu hi tin a chim ve: Chin Party pathum komh CNLD hi, 2020 thimnak ah teinak hei hmu hna sehlaw, Tom & Jerry le an hawi/ral Spike bantuk hna an si sual hnga maw timi nih ka thin a phanter ngai ko. Si hram hna hlah seh mu. An si sual kho men timi nih le ka lung a lak tuk.