Min Aung Hlaing hruaimi Ralkap nih an dirh thar mi State Administrative Council ah rian an pek mi Pu Ngun San Aung cu Laimi/Chin miphun lila nih fak tuk in an soisel cang. Cu lawng si loin Chin miphun a rawi tu, Matu miphun min a chiat tertu ti tiang in social media ah an tarlangh len mi hmuh khawh a si.

Victor Ro Lian Thang timi facebook account ngeitu nih a taang hmanthlak pawl hi a tarlangh hnu ah biachia zoh dawh lo ngai in a phomh chih ve fawn, cu hmanthlak le catial mi cu minung tampi nih share an tuah i biafak ngai in comment zong an pek cio fawn. Pu Ngun San Aung Ralkap nih changreu cawknak ah Phaisa an i pek mi tlawmte ruang ah Ralkap Ke taang ah na kun i an Keden na hnamh (Kiss) ngam ko maw? Ralkap nih hmunhman, thutnak an i pek mi ruang men ah Ralkap Kedan cu na hnamh (Kiss) ngam ko maw?

Ralkap nih Phaisa tlawmte an i pek mi ruang men ah na miphun a simi Matupi cu na zuar in na leirawi ngam ko maw? Ralkap nih an i pek mi hmunhma ruang men ah Matupi miphun dihlak belnang nan kan neh dih ngam ko maw? Ralkap nih an i pek mi hmunhma hmang in na miphun Matupi mipi hna cu nan kan doh ngam ko maw? zeibantuk minung ngelcel dah na si. Na tuanbia chia cikcek in nangmah tein na tial cang” tiah cabia a tial hnawh chih hi asi.

Tutan ah Victor Ro Thang nih ca a tial mi hi a fak ngai ngai. Matupi mipi dihlak chiatsarhnak na cung ah a tlung hrimhrim lai ti tiang in a soisel chih hi asi. Hi cabia tial mi taang ah comment tampi a um lawng si loin chiatsarhnak vorhpamh nak biachia tampi zong hmuh khawh asi. Chin mipi an lungtling hrimhrim lo timi fiang tein a lang ko. Ref: LKJ