Ngakchia Tlaihrem tu cu Cikcin an khih duh lo, Rev David Lah tu cu Cikcin he Biaceih zung ah. Hi hmanthlak pahnih hi a tulio ah mipi nih an comment ngai mi, an ceih ngai mi zong a si. Covid-19 zulhphung buar in taza cuai mi Rev. David Lah cu misual, Lainawng bantuk in a umnak Hotel in Biaceih zung lei ah Police nih Cikcin he an hruai. Cu lawng si loin Insein thonginn ah an kuat colh i a voi 2nak Biaceih zung an chuah pi lio zong ah Misual le Lainawng taktak bantuk in a kut cu Cikcin in an khih rih hi a si.

A si nain Kawlram tuanbia ah a chia taktak mi Lemcang Min Yarza cu a sin um nu ngakchia nute a tlaihhrem lawng si loin a chiatha tiang ah Acid a toih. A sin um nu hi voikhat lawng hmanh si loin voi tam ngai tlaihhrem dawh a si. A sualnak a ngan tuk aa theih ve ruang ah a nupi he an zam, a si nain DKBA hriamtlai phu nih Shan ramri lei ah an tlaih manh hna hi Kawlram police kut ah an rak pek mi hna a si. Cu tluk in a sual mi, tlik le zaam hmanh aa tim mi lemcang Min Yarza cu Biaceih zung an chuah pi ahhin a kut ah cikcin zong an khih lo ti a si.

Cu tluk in a sual mi, tlik le zaam hmanh aa tim mi lemcang Min Yarza cu Biaceih zung an chuah pi ahhin a kut ah cikcin zong an khih lo ti a si. Hi kong ah bia halnak tampi a chuak. Zeiruang ahdah misual, nungakchia a tlaihhrem tu, nungak chia a chiaṭha ah Acid tiang a toih mi le, Police kut in zaam aa tim mi Min Yarza cu a kut ah cikcin an khih lo. Zeiruang ahdah sualnak zong a tuah lomi hramhram in sualpuh men mi Rev. David Lah cu mibu hmai ah zohchia in a kut cikcin an khih, Rev. David Lah cu mifim puitling a si, Cikcin an khi lo zong ah a zam ding a si lo nain hramhram in an tuah i a mualpho an i zuam tiah mi tampi nih hmanthlak tarlangh in an ceih ngai mi a si.

Kawlram ah a puitling mi Democracy, Federal uknak taktak kan hmuh khawh hlan chung cu, Khrihfa caah zalonnak a um kho taktak lai lo. Khrihfa cu target peng kan si rih ko lai. Cu lawng si loin Khrihfa kan si ruang ah le, tlangcung miphun kan sinak ruang ah Kawl minung nih an kan rialdip peng rih ko lai. David Lah le Min Yarza hmanthlak nih hihin Kawlram ramkhel dirhmun a fian ter ngai ngai. Ref: V.O.M Journal