Vote Buan ah Pu Van Thio zuamcawhtu ding cu zangfak na va si dah. Zeica tiah vote khat zong na hmu lai lo. A tuin i țah sia ko. Henry Van Țhio hlei a ho dah vote pek ding a um ti? Henry Van Țhio nih teinak a co zong ah Vice-President cu a si ti lai lo tiah a ti tu nan um. A si lai le si lai lo cu kan hngal lo nain Hlutdaw palai level lawng cu a si lo hrim a fiang.

Pyitaungsu Vuanci paoh cu a si thiam ko lai. State caah aa cuh si cun Chief Minister a si lai. USDP pawl can tu ah khan nan duh cun CNLD in ai awh hna u. Henry Van Thio zawn ahcun aiawh kho tu an um lo. CNLD nih cozah ser tiang a țhawng ahcun Hakha caah tampi rian a țuan duh lai lo. Project um paoh saruh cuh in peng kip an i cuh lai. A si kho lo. Hakha i Head Office an ser lomi nih an i cuh tuk te lai ding a langhter ko.

Nain Lai party an si caah hmun tlawmpal ahcun an tei ve cu a herh ko. Hakha i Head Office an chiah lo chung paoh cu CNLD nih cozah an tlaih lo nak ding ah Hakha le Thantlang nih kan NLD cakei Zo Bawi, Cakei Van thio tibantuk kha i chuah zungzal ko hna u sih. Hakha in CNLD nih a tambik pa hnih lawng tei seh law, Pathum cu Cakei Zo Bawi le a nau le caah. Thantlang in CNLD nih pahnih a tam bik ah tei seh law, a dang pahnih cu Cakei Van Thio le nau caah.

Peng dang kong ah kan buai awk a um lo. Cuaithlai thiam in vote kan pek ahcun Chin Cozah ah Hakha sertu an chuah zungzal ko lai. Pengdang ahcun NLD zong, USDP zong, CNLD zong nih zei ti paoh in vaa tei hmanh hna seh law, Hakha Lungpi caah lai a rel tuk lem lo.Hakha le Thantlang nih Vote thlakning kan thiam ahcun Hakha le Thantlang sersiamtu lutlai,huham ngei Cakei kan um zungzal ko lai. Hi ti ka chim tikah pengdang le fimcuh nih cun hakkauh le duhfah a si tiah a ruat mi nan um lai.

Na ruah ahcun mihrut taktak na si. Na hruh lo cun nang mah kha mi haukau le duhfak cu na si. Ziah Hakha Chin State Capital a si mi nih zei ruangah Kanpalet Budget he nan tahchunh peng. Kei mah le bang bawi ning law Vawlei cung kalphung taktak bak in hi nak in Hakha Budget ka sanh rih lai. Capital caah a niam tuk rih. Hi hmanh hi saruh chuh in chuh a kan duh rih mi peng an um. Kha bantuk cuh duhnak lungput hrim an ngeih ti lo nak ding ah piat tein hrilh fiah si loin hrilh phomh ding an si lai. A ho paoh nih Capital le Town cu budget tlawmte si loin tampi aa thlau cu an hngalh ko teh.

Hakha timi hi Capital si loin Town pakhat dirhmun bantuk in savo phawt an duh a si. CNLD lutlai No Than Kap, Ngai Sak, Zo Zam zong nih hi kong hi thei hna seh. Hakha hi Kanpalet he zei tik hmanh ah le zei kong hmanh ah thahchunh hna hlah seh. Mindat he zong tahchunh hna hlah seh. Tahchunh nan duh cun Hakha tel loin a dang pawl kha i tahchunh ko hna seh. Hi kong hi zei party paoh nih thei hna seh. Cattial tu: Mang Lian