CDM na tuah rian na țuan khawh lo ding cun adang kan thim hna lai an ti caah a rian a chuah tak. Ka nau a si nain ka upat. A rian hi harsa tein a kawl mi a si caah a chuah tak lai ah ”Tete ka chuak hnga maw thlahlawh lo i van um ngai ding cu ka celh pah lo” a ti. Ka leh mi cu ”mipi nih mitthli he an phah mi lam cu hrial khawh i zuam ko usih.

Na no te rih le rian cu a um țhan ko lai dawh” ka ti. A rian cu a sian lo buin a kal tak ngam. Na no te nain na si khawh tawk tein ram dawtnak na ngeih caah kan upat. Na caah rian țha a um țhan te ko lai. Cozah zung rian țuan a si lo caah a chuah mi si. CDM a tuah rih lo mi zong CDM tuah cio hna usih.

Cozah zung rianțuan cu CDM tuah ruang ah rian phuah taitai kan tong hraw lai lo. A kum in rian he i țhen khawhnak nawl kan ngei ti cu kan theih cio mi a si ko. Kut le ke kan ngeih chung cu kan nung ko lai dawh. Kanmah paw ca le caan chikkhat ca kan ruahnak lawng nih hmai lei kan ram a muihter chin sual lai phan a um. Ka nolh rih lai. CDM ah i tel hna usih. Credit: Mercy Meng

Relchih: Ram Leng Ummi Nih CDM Caah Kan Tuah Khawhmi! 1. Phaisa tam nawn in thawh ding. 2. Twitter account tuah ding. Follower 100 hrawng ngeih dingin kan i kawl lai. Kawlram kong kha tweet peng ding. Nan ṭial tikah “whatishap pening in myanmar” tiah ṭial chih ding. A ruang cu vawlei cung minthang le zung rian ṭuantu pawl nih FB an hmang tuk lo.

Twitter tu an hmang deuh. Kan sining vawleipi nih a theih khawhnak ding ahcun Twitter kan hman a hau. Trend a kai thluahmah ding in kan tuah a hau. 3. Facebook, Messenger le Viber hi ram chungah a him tuk ti lo, information a chuak ton, cucaah signal (or) boss revolution kha rak hmanter hna u law, contact tuahnak ah a him bik.

4. Ram leng ummi nih duh lonak ah kan si khawh chung in i tel ding. A donghnak a biapi bikmi cu “Prayer is the best weapon” “Lungthin biatak in kan ram caah thlacam peng hna u sih” We have to win this fight. We will fight till the end. Laknak: Siang Sawmhal