Hi Ka Rel Cu Ka Miṭhli Ka Ṭhlak Ṭhluahmah Ve Ko “Kanu Ka Fanu Te Hi Rak Ka Zohkhenh Piak Hram Mu Ka Rak Kir Ngam Lo”

Hi kan unau nu sangte kong hi a tulio ah alinsa taktak mi asi. An buapi ngaingai mi asi. Cun mihrokhrawl asi tiah mi  tampi nih ruah ciomi asi. Nain tutan ah atubantuk in a nu sin  ca a kuatmi rel tikah zaangfak taktak khi asi. Mifa nau nu a nu le pa sinah hmanh a kir ngam lo. A sin cakuat a ttialmi ka rel cu cattialtu keimah hmanh ka celh lo ka rel pah in ka mitthli ka thlak thluahmah ve ko. Zaangfak taktak asi.

Sangte nih sunghno a nu sinah ca a kuatmi asi. Cakuat cu a tanglei bantukin asi. “Kanu ka fa nute hi rak ka zohkhenhpiak hram mu. Harsatnak kan ton caah asi. Kanu ka fanu te hi tha tein rak ka zohkhenh piak hram ko tiah zaangfah kan nawl ko ee.

Ka fanu he hi thlakhat chungah ka rak hruai than ko lai. Ka vapa Aye Min Thun hi nupi dang angei an timi thawng le an hmuhnak an chim. Kanu fanu hi thlakhat tlin hlanah ka rak hruai tthan lai. Ka ra ngam lo. Rak ka ngaithiam ko hram mu ka nu.

ka cungah nan thinhun ding ka theih ko nain hitihin ka fanu cu ka rak chiah ko caah ngaihthiam kan hal hna. Kanu fanu te hi midang ahohmanh rak pe hram hna hlah mu. Thilrit kan khinh hna ruangah ngaihthiam kan hal. Ka fanu hi rak ka zohkhenh piak hram ko mu.

Tuzaan in rian ka lut cang lai. Tuzaan cu tangka kan pe kho rih lo. Keimah zong ka rak rat khawh lo caah nan lung atling tlai lo ti ka theih, ka rak ra ngam lo, rak ka ngaithiam hram uh tiah zaangfah kan nawl hna. Kanu ka fanu te hi tha tein rak ka zohkhenh piak ko hram mu.

Note: Hihi falam nih attialmi Laiholh in lehmi asi caah atlamtlin lonak le an bia kan khen khawh lomi zong a um kho men nan ka ruahthiamnak lai kan nawl duh hna.

Ref: CDP/Chinlungpost