Disciple Group Ministry group hi uar an um kho taktak. Hlathar zong tampi an ngei i, cun an hla sakmi hrimhrim i a nung i an hla sullam hrimhrim an ttha tuk hna. An lungthin takin Pathian an thangthat, cun bia le hla he kan ram ah thawngtthabia a aupi tu an si.

Tutan ah kan vun tarmi hla zong hi a sullam ttha tein rak ruat law rak ngai ve hmanh! zeitluk in dah a sullam a tthat. A phuahtu hi Rev. Za Kian a si. A thiam kho taktak. Laimi nih hlaphuah leiah kan i ngeihmi hna le an hla phuahmi a nung khun tiah ruahmi hna cu Rev. Za Kian le Rev. H Thomas Tial Uk hi an si men ko lai.

An hla an phuahmi in Pathian bia an pemh taktak ti a fiang ngaingai. An ruahnak in siloin an nunnak an tonmi le Baibal bia hmangin an phuah tikah hin an hla a nung khun. Tutan kan vun tarmi hi “Kan Laamter” timi thangtthat hla a si rak ngai ve law thazaang rak la ve.