Hi Ca Vun Rel Cu Thinlung A Kekkuai Ko Mu Senthang Arfi Sayamah Ram Nawn Philh Ni Na Um Lai Lo Mu?

Chin News

Senthang Arfi Sayamah Ram Nawn Philh Ni Na Um Lai Lo Mu? Senthang hrinsor chungin Pathian riantuantu nusal ttha ka theih hmasa bikmi pakhat na si. Lai miphun nih bochanmi nusal tha pakhat na si. Na men lo. Nangmah bantuk nusal ttha hi Senthang hrinsor chungin an chuak ti hnga maw? Ka voikhatnak CACC interview ka rak tuah lio ah na ka theih hmasa bik asi rua ka ti.

CCSN, SDO le CARD zung konglam tete cu nangmah chimhnak thawngin zeimawzat ka rak theih ve mu. SDO le Senthang miphun caah riantuan dingin thazaang na ka pek tawn, na ka forh tawn kha philh ni a um ti lai lo? Hmunkhat teah riantuantti dingin na ka sawm tawn kha ka mithlam ah acuang peng ko mu. Chungkhar khuasak tintuknak ruangah Zung dangdang ah ka rak tuannak kha asi mu? Caantha a um ahcun nikhat khat ah riantuantti dingah saduhthahnak le chunmang nganpi ka rak ngei ve ko.

Asinain, thil dangdang ruangah ramleng ka chuak tthan tikah riantuantti ding cu chimh ngam asi ti lo. Nihin ahcun mu, Na thawngpang nih vawlei kili tiang a hninh dih manh ko mu. Na thawngpang lawng ka rak thei I ka zum kho hrimhrim lo mu? Na riantuannak le na thawngpang nih nusal ttha le nu men lo na sinak a langhter khun. Vawlei na tuanbia cu Lai miphun le Senthang miphun nih kan rak chim peng cang lai mu. Chinram le Senthang ram chungin minung pakhat abau cang lai I, Pathian inn ah minung pakhat a chap cang lai. Na kan kaltak riangmang cang ee, Senthang miphun kan caah zeitluk in dah a fak khun. Mangtha tuk Sayamah Ram Nawn. Credit: Noble Van Maung Ling

Leave a Reply