Pupu Trump Kong Ahcun A Tutan Caah Kai Lungsak Kocang!! US ram President 46 nak ca i an ithimnak khan nihin nitiang hi ka ttanh mi Pupu Trump cu a sung ti a duh bak lo mi ka si caah keimah le ka rel khawh mi ca bia tete heh tiah ka rel ka theih khawh mi video tete heh tiah ka ngaih lengmang i, a caan ahcun thingkung ah ka kai i a caan le ka tla tawn.

Thla 9 ah khan Pupu Trump nih ralkap kut i an ram chiah khawhnak ding Martial law caah pei min a thut cang kha ti a si i mah bia ka theih lecaangka thingkung par ah ka kai than hoi,a hnu ah cadang ka van rel than i, mah a min a thut mi kha cu Insurrection Act  pei a si ko, mah kha cu President nih buainak a chuahnak hnga lo caah khuapi or State zeimaw ah a hman khawhnak ding pei a si ko cu Martial law hman khawhnak ding a si lo ti mi ka ngaih i ka rel than tikah,thingkung in ka tla hoi.

Martiall law president nih a thanh khawhnak ding lam kha ka kawl,ka rel khawh mi ca le ka theih khawh mi video pawl heh tiah ka kawl ka hlat i mah i ka hmuh mi pawl ahcun,Martial law hi president nih awltuk in a hmang kho lo, a thanh khawhnak ding ahcun US ram i Office sang,biaceihtu sang hna nih siannak an peek hmasa hnu ah a thanh khawh ceo mi khi a si i, mah ruangah president Trump nih hin a tu dinhmun ahcun Martial law hi cu a thanh kho lo ti kha ka van hmuh than i, thingkung i ka tlaak ah khan tho kho lo in ka ril cang ko hih.

Martial law timi cu kan theih cio cang bantuk in President nih Cunglei ah siannak a laak i an sianh hnuah thanh khawh ding ceo cu a si i, mah Martial law cu lai holh i kan chim ahcun State kip cozah pawl kha an cozah sinak in dinhter i ralkap nih sinak a laak lai i, an buainak hram pawl kha felter a si hnuah state cozah pawl kha thim mi ccung an kut ah hei peek than te ding khi a si.

Cun, Insurrection Act hi cu, President nih a ram chungah ralhrang or buainak a chuahpitu ah a ruah mi hna pawl tlaihkhawhnak le khamnak ding ca tu khi a si. Cucaah kan lai hla nih a chim bang, Kai lungsak kocang lai, nang zong lungsia herh hlah,conak bia kan tiam mi Biden sin liam lai cu, ti si ko ne hih. Cattialtu: Tin Duh Thang