Laimi-Chinmi kan caah pacem bantukin kan i ruahmi le hngatchanmi kan pa vice president Dr. Henry Van Thio lungput le ruahnak cu upat tlak le Pathian aa bochan timi fiang tukin hmuh khawh a si. Hi tluk kawl miphun lak ah zumhtlak a sinak le a biakam ah feek tein a dir timi hmuh kawh a si pin ah sertu Pathian sinah zumhtlak a si nak a lang chin lengmang. Bawipa nih miphun tung mertu ah hmang chin ko seh.

Ralkap nih riansang tuan ding ah VP Van Thio an sawm i a duh lo. A lungput uar um bak. Vakok cu phaisa ruang ah a miphun a rawi lo. Mifir he zong aa fonh lo. Pu Sanmawi Nikhuai le Vomthu Maung fapa Pu Maung Ha belte cu fawi ngai in an lem khawh hna. Upatmi an pale nih vancung in rak thei hna sehlaw an ningzak tuk lai dah an zahpi tuk hna lai pale belnang nehtu tiin.

Relchih: Min Aung Hlaing chungkhar ramleng chuahnak kong thawngpang a leng. Kawlram chung thawngpang lengmi kong theih tikah Min Aung Hlaing cu thinphang in a nupi le a fanu hna chungkhar cu (Russia) ah a zamter hna i, a fapa chungkhar hna cu (Thailand) ah zam dingin timhlamhnak an ngei timi cu theih a si.

A fapa chungkhar hna hi (Thailand) ah an zamnak a ruang cu a pa bawmh a hrh sual ahcun fawi tein bawmh khawh dingin lam nai deuh ah a zamnak a si tiah theih a si. Hi kawng ah thawngpang a lengmi cu mi tampi nih a dik an ti lio ah cheukhat nih cun a dik lomi puhnak a si tiah an chim ve.

Cun hi ti bantukin a chungkhar pawl ven himnak pek a duh ruangah le ramleng ah chuahter a timh hna ruangah social media ah lang lo dingin Facebook cu zarhkhat chung kham le phihnak tiang a tuahnak a si tiah mi tampi nih cun an zumhnak cu an chim cio.