Tuni hi Laimi-Chinmi nih gospel singer kan i ngeihmi hlasakthiam Sui Hlawn Rem chuahni le thla asi tiah theih asi. Nain kum zeizat dah asi ti cu langhter asi lo. Atu bantuk in kan miphun chungin Gospel singer kan i ngeihmi hna an chuahni le thla hi lawmhpi cio hna usih.

Hlasakthiam Sui Hlawn Rem hi atu nitiang keimah nih ka theih khawh tawk ah cun Lovesong a sak hi ka thei lem rih lo. A nun hlun cu chia rih usih law, a aw le zai hi amah Pathian sunparnak le thangtthatnak ca bakah a hmangmi pakhat asi ve. Anih hi a nun cawn awk tampi a um. A thil tuahmi paoh ah i biataknak a ngei.

Youtube ah a hla tete zong a ngaimi nan tampi lai. Ahla sakmi hrimhrim hi an nung kho taktak. A hla sakmi hrimhrim hi a hlabia an ttha i, a nunning taktak in a sak timi a lang. Hibantuk in gospel singer si i tim cio hna usih! Cun a hawi le kom sin zongin kan theih lengmang mi cu zeidah asi ti ahcun Hlawh Hlawn mi toidor le mi nunem taktak asi tiah theih peng asi. Amah hi sopum khuami asi i, atu hi Sopum ah a um lio asi.

Mah hngakchia tiin mi a nehsawh lo, mah hngakchia deuh zong upatnak ttihzah le chawnh biak athiam i, aho paoh nih ka upat tiah kan theih. hlasakthiam  Hlawn Hlawn na chuahni kan rak in lawmhpi tuk ve. Bawipa nih amah sunparnak caah le aa ram kauhnak caah in hmang chin ko seh! Happy Birthday. Hi hla sakmi hi rak ngai law thazaang rak la ve.

https://www.youtube.com/watch?v=s6CIsjmVb3E