Velh a tongmi kan naupa Ngun Dawt an vuaknak video cu aho cio paoh nih hmuh dih a si. An vuakning zeitluk in dah a fah ti zong video in hmuh khawh a si. Aho cio paoh an thinhung i an lungfaak cio. Ngakṭah a sinak cu um rih ko seh, sizungah nifatin ahma ṭawl ah a kal pengmi a si ti an theih ko buin an vuakning cu aho paoh kan lungfaak cio.

Tutan zongah Salai Pa Duh (Tluang Neh) nih a facebook cahmaiah hitihin a ṭial, “Hakha um bia kan caah hna hi pa le ahawi nan hmuh nak paoh ah cei lak rak phoh ve uh law videos rak record ve uh cun kei ma personal Messenger ka kua uh . Video ka hmuh sin in Kyat $500000.00 kan kuat colh ve hna lai,” tiah Salai Pu Duh (Tluang Neh) nih cun a ṭial.

Velh a tongmi Ngun Dawt Konglam tawi;

Ngun Dawt, kum 15 tluk tlangval hi Thangzang khua mi, Pu Sang Kam (Tleicia) le Pi Ngun Taang (Tleicia) hna i an fale hna 3 lakah a hniangbik a si. Kum 2 a si ah a pa nih Malaysia ah a thih taak hna, cu tlawmpal ah a nu nih a thih taak. Halkha ah umnak a ngeih lo caah Hniarlawn khuami, Pi Zing Hlem sinah aa dormi a si.

Amah hi taang 9 a kai liomi a si i nulepa nih thih taakmi ngaktah buangro a si. A luan zarh chungah Cycle cung tluknak in a kut aa hrawk caah sizung ah a hliamhma a tawl lengmang mi a si. Hihi Pa Ngun Dawt konglam tawi kan langhter chih khawhmi a si.

Kan naupa Ngun Dawt cu sizungah a um ko rih a chuak kho rih lo. Cucaah thlacamnak in bawm cio rih hna usih. Damnak tlamtling a hmuh khawhnak hnga thlacamnak in bawm cio rih ko hna usih. Cun, Ngun Dawt caah tiin Salai Robert Ngun Sang nih Gofoundme hmangin bawmhnak a tuahpiak i US $1,753 (Ting 20) renglo a chuak cang. Gofoundme timi hmehpiak law bawmhnak rak pe ve.