2020 Thimnak ah Hakha Peng in Pyithuh Hluttaw Hmunhma Caah Union Deputy Minister Hlun Pu Ngun Mawng Independent in aa Cuh Lai. Hakha peng Pyithuh Hluttaw palai caah Union Deputy Minister hlun Pu Ngun Mawng cu Independent in 2020 thimnak ah lut ding in biachahnak a tuah cang.

Pu Ngun Mawng cu 2010 ah CNP in Pyithuh Hluttaw hmunhma ah teinak a hmu i 2013-2015 tiang Union Deputy Minister a rak tuan balmi a si. Tutan zong ah CNLD Party aiawh in Pyithuh Hluttaw ah i zuam ding in ca a chiah ve nain CNLD EC nih Pu Robin cu ticket an rak pek caah CNLD chungtel sinak in aa din hnu ah atu independent in dir aa timhnak hi a si. Ahlan ahcun EC nih Candidate thim tikah Hakha peng in EC chungtel khua kip ah minung pakhat cio kha an kawh dih hnu ah Candidate thim a rak si tawn, cu tikah zapi duhmi candidate kha an rak chuak tawn.

Asinain, atutan CNLD EC nih thimnak an tuahmi ahcun Hakha peng in minung tambiknak Senthang peng, Mie peng le Zokhua peng zong ah khuate lei EC chungtel pakhat hmanh kawh loin Hakha khuapi chung ummi EC lawng nih thimfung thlak asi ruangah ka sunghnak hi asi tiah a chim.

Pu Ngun Mawng cu Senthang mipi forhfialnak in siseh, miphun caah a lohma a tangrih mi lim a duhmi ruangah atubantuk in Hakha peng Pyithuh Hluttaw palai caah independent in zuam aa timh hi a si. Pu Ngun Mawng nih Pyithuh Hluttaw Palai A rak tuanlio i a hal khawhmi hna.

1. Hakha khualipi hi a dang Ramkulh Ramthen Khualipi bantuk tein sersiam piak ding. 2. Mahadataa Line (National Grid Line) 3. Monywa,Gangaw, Hakha fur thal hlan in kalkhawhnak lampi. 4. Hakha Matupi Fur Thal hlan in kal khawhnak lampi. 5. Matupi- Paletwa lampi pemhnak. 6. Hakha Thantlang Saisihchuak lam pemhnak (Ramdang he pehtlaihhnak lampi)m7. Hakha khua tiang ramdang ummi tlunkal khawhnak. 8. Chin National Day phungning tein tuahkhawh thannak 9. Tlangcungmi hna hi kawl miphun he tlukruang tein Rampi thutdan rengh sang in acozah zung ah thutdanh hmuhkhawhnak Union Deputy Minister a rak tuan lio ah Laimi lawngte vuanthok reng in minung 50 rian a pek hna. 2015 Hakha mincimh lio ah Helicopter a rak thlah.

A dang dang in sianginn tibantuk bawmhnak a pekmi a um rih. Pu Ngun Mawng hi Hakha peng le Laimi caah thil tha tambik a chuahpi khotu a si ko lai. Cu caah miphun hawi hna Pu Ngun Mawng hi Hakha Peng Pyithuh Hluttaw palai caah cun amah hi aatlak bik ko caah mee pe cio hna usih tiah upatnak he kan in sawm hna. VOTE Pu Ngun Mawng! Salai Lian Thawng Hnin