Halkha Mino Cawlcangh Uar A Um Kho Tuk: Halkha Faciliy Quarantine Chiahmi Hna Caah Hla An Sakpiak Hna An I Nuam Bak-VIDEO

Chin News

Hakha Covid-19 Response Committee (Halkha Mino) thil tuahmi zoh tikah lung a hmui kho taktak. Halkha College Facility Quarantine ummi kan unau hna an umhar lileng tuk lai tiah hlasakpiaknak an ngeih hna. Zohchun tlak awk taktak an si. Hlasatu hna hi a tu lio Lai Mino nih an uar ngaingaimi hna an si.

Image may contain: 1 person, sitting

Hlasatu hna cu Katie, Aa Lian le Mercy hna an si. Heh hlasaknak in caan an hmanpimi hna zoh tikah Facility Quarantine ah a ummi kan unau hna zong an i nuam ngaingai i an i lunghmuih tuk ti a lang. An ummnak inn varada ah an chuak in an zoh hna. Atu bantuk caan lio ah cun cawlcanghnak hi aherh ngaingaimi a si.

Image may contain: 1 person

Anmah nih an damlo ka tinak si loin, a dam komi mah le inn te ah a um ko mi hmanh sau tuk innchungah kan i erh ahcun kan thluak pit, khurkhua ruah a har ngaingai. A tu lioah an thinlung i hliphlau deuh seh tiah Halkha Covid-19 Responese Committee hna nih atu bantukin hlasakpiaknak in caan an hmanpiakmi hna zoh tikah lung a hmui tuk hringhran. VIDEO timi rak hmeh piak law zoh khawh a si lai.

Image may contain: 1 person, smiling, standing

Halkha Covid-19 zawtnak a ngei hmasabikmi kan fanute zong tuzingah a result a chuak tthan i Negative a si tiah theih asi. Tuzing May 13 zaanlei suimilaam 4:00 ah Hakha Sii-inn in chuahter a si cang. Chin Ramkulh Social Affairs Minister Pu Pau Lun Min Thang nih laksawng peknak le thazaang peknak bia chimnak zong a ngei.

Image may contain: 3 people, people standing

The Hakha Post nih atarlangh tthanmi cu,Hi kong he pehtlai in Hakha sii-inn-uk Dr. Mang Biak Kung nih, “Voi hnih tiang zawtnak cheknak ah a phichuak negative a si ca ah sii-inn in chuahter a si lai. Cun, ralrinnak ca ah kan naunute hi Facility Quarantine in kan umter rih lai. Khoika hmun ah dah kan umter lai ti cu a fiang rih lo,” tiah The Hakha Post ah a chim. Credit: The Hakha Post

Leave a Reply