Hakha Khuachung ah Motor le Motor Cycle Khawndennak a umnak hngak lo Motor PK le Siangngakchia ṭhenkhat hna he i bawm in July thla 31 ah fimchimhnak an tuah. Hi an tuah dih hnu cun, zulhphung a zul lomi cu tlaih an si cang lai tiah theih a si.

Atu bantukin Motor le motor cycle nih zulhphung an Zulh lo ahcun, COVID-19 zawtnak hrik runvennak tuah lio a si zong ah tlaih an si lai tiah theih a si. A luanciami thla ah Motor mawnghning le Cycle mawnghning tuah ding tete fimchimhnak an rak tuah bal cang. Cucaah fimchimhhnak lawng si loin zulhphung a zul lomi hna cu dantat an si cang lai tiah kan theih.

A luancia mi zulhphung a zul lomi dantatmi nakin fak deuh in dantat ding in nawl an chuah tharmi tete zong a um. Cu hna cu Leisence ngei lo mawngtu cu sing 3(300,000) le thla 3 thongthlak ding. Hihi a luancia mi ahcun Sing1(100000) le thlakhat thing lawng a si.

Atu ahcun a let 2 in fak deuh indantat an si lai. Cucaah Cozah nih zulhphung an ser mi thil cu khuami le mipi hna nih kan zulh a herh. Hakha khua ah Lisence le Zingmaung Card zong tuahpiak chuahmah lio an si tiah kan theih.

Admin hmurka: Chinworldnewsvening nih thawngpang kan ṭialmi hi kanmah nih kan phuah cawpmi kan ṭialmi a si lo. Reference/Credit/Source ṭha tein kan pek peng lai. Asinain minung kan ti cu tlamtlin lonak tete zong a kho mi a si caah thawngpang kan ṭialmi kan palhnak a um cun theihter khawh peng kan si. Cun, pehtlaihnak tuah duhmi nih J Vanduhthar Lahnin ah pehtlaih khawh peng kan si. Mipi sinah thawngpang thlazamh na duhmi um cun zeitik caan paoh kan i thlahzamh piak khawh zungzal hna. Kan ca a kan rel piaktu nan dihlak cungah kan ilawm. Upatnak he-Admin