Halkha Covid-19 Mizaw Kan Naunau Le Tiphul khuami Halkha Ah An Erhmi Hna Caah Bawmhnak An Tuahmi US$1300 A Chuak Cang

Chin News

Atu lio thawngpang cu aho cio paoh nih theih dih cio a si. Covid-19 pulrai zawtnak nih ramkip a culh dih ngawt. Hi zawtnak hi thiamsang hna nih an chimphuanning ah cun, Mino thazaang a ṭhawngmi hna caah cun cu tlukpi in ṭihnung ding a si lo tiah an chim i a tongmi cheukhat zong nih cutlukpi in ṭihnung a si lo tiah an chim ve.

Image may contain: 3 people, text

Chim ka duh bikmi cu cu zawtnak nih cun vawlepi nih lungrethei riangmang in le ram uk van sang lengmang in a chiah cio hna. Cu lioah Chin khualipi Halkha zongah a hung phan ve. I Halkha a ngeimi hi kum note a si i atu tiang ah cun amah zong zeihmanh harsatnak a ngei lo. A ngandamnak a ṭhat lio te a si. Cun hi zawtnak hi a ngeih hi Kawlram ngandamnak zung nih a ngei ko tiah thanhnak an tuah hnuah atu bantukin Halkha sizungah an chiah hi a si.

Image may contain: one or more people, people standing, sky, outdoor and nature

Cu Covid-19 ngeimi kan naunu le Halkha Quarantine ah chiahmi an khuami hna caah tiin  Australia, Melbourne khuasa mi Laimi tampi kan theih ciomi Olivia Nu Cinzah ṭhihruainak in Covid-19 positive a simi Halkha sizungah an zohkhenh liomi kan fa kan nau caah tiin bawmhnak an tuah piak. Lawmh a um tuk hringhran. Cu Olivia Nu Cinzah ṭhihruainak in bawmhnak an tuahmi cu a dihlak in $1300 a chuak cang. Thawngpang upadate um cun a si khawh chungin upadate kan rak tuah ṭhan te lai.

Image may contain: one or more people and outdoor

Bawmhnaktuahtu hmurka: Tutan Halkha Co-19 Zawtnak ruangah bawmhnak nanpek mi hi Mizaw calawng si lai lo , Tiphul khuami Halkha ah An Erhmi hna chungah Tar kum 80 le Hngakchia kum 1 tiangin an itel caah Tiphul khua mi he kan cheuh hna lai Tawlrel tu kei mah nawlin katuahmi asi lo $$ atho tu nawlhal hnu ah katimhtuah mi si. Dawtnak le zawnruah nak he $ ape mi nan dihlak cungah Pathian Thluachuah nak le hnangam daihnak tlung ko seh! Tuzan chung hrimah tampi in raktho rih ulaw kan ilawm tuk ko hnga.

Image may contain: sky, motorcycle and outdoor

Zohchun tlak taktak an si. Mipi nih thei hna u sih ti ka duhmi cu hi bawmhnak an tuahmi hi aho nih fialmi le zei bantuk organization phu hmanh nih tuahmi a si lo. Australia, Melbourne ah a ummi Olivia Nu Cinzah ṭhihruainak in tuahmi a si. Cun hi bawmhnak a tuhi atu lawngin an thokmi a si i bawmhnak a pe duhmi kan um ve sual ahcun Olivia Nu Cinzah timi rak hmehpiak law pehtlaih khawh a si. Bawmhnak $840 an hmuhmi hi anmah pumpak nih an bawmhmi a si i amah pumpak, kut cung hrimhrim ah pek a si lai.

A tu bantukin kan far zawnruahnak he bawmhnak a petu nan diklak cungah lunglawmhnak tampi kan ngei. Cun, bawmhnak a kan tuahpiaktu Olivia Nu Cinzah cung hrimhrim ah lunglawmhnak ngapi kan ngei. Hibantuk in midang zawnruahnak le bawmh duhnak thinlung, lungput le ruahnak a ngeihmi hi aho hmanh nih philh hna hlah usih law i cawn cio hna usih! Pathian tu nih a let za in thluachuahnak pe hram ko hna seh!

Cun, hi lawng hi a si hrimhrim loh Olive Nu Cinzah ṭhihruainak ṭhiamṭhiam in Paletwa kan unau caah bawmhnak zong a tuah chih i atu hi zeimawzat an hmuh cang. Atu bantukin miphun hawi hna dawtnak le zawnruahnak lungput he hi bantuk tiangtiang a tuahmi hi zohchun tlak taktak a si. Philh ṭha hrimhrim lomi tuanbia pakhat a si. Cu Paletwa bawmhnak caah an hmuhmi hi Kyat Ting 100 atling cang. Bawmhnaktu siseh, a petu nan dihlak cungah Bawipa nih a let za in thluachuahnak in pe ko hna seh!

Admin hmurka: Hihi kanmah nih kan tialmi a si. Bawmhnak a tuahtu kan u nu Olivia Nu Cinzah siannak in kan thlahmi a si caah amah siannak hal hmasat ta loin nan thlahchinnak hnga lo kan in nawl duh hna. Pumpak in bawmhnak apekmi atial chih caah kan rak langhter chih ve. Olivia Nu Cinzah timi facebookzong ah zohchih khawh a si. Cun hmanthlak zong hi amah siannak in ka tarmi a si. Kan farnu kan langhter chihnak a ruang cu bawmhnak apekmi a si caah a si. Zeidang ruangah a si lo. Bawmhnak a petu vailte Pathian nih a letza in thlauchuahnak in pe ko hna seh!

Leave a Reply