Hakha Vuak A Tongmi Ngun Dawt (Kum 15 Tluk) A Sining Konglam A Zohkhenhtu Pi Zing HLem Nih A Chimmi-VIDEO

Chin News

Halkha ah velh a tongmi Thang Zang khuami kan nau Ngun Dawt cu Gofoundme hmangin bawmhnak tuahpiak a si. Atu naite lawngah an tuahmi a si ko nain, atu ah $120 nih a chuak manh cang. A petu hrimhrim zong upatnak kan in pek hna. A petu nan dilak cungah Pa Pathian nih a letza in thluachuahnak in pe ko hna seh!

Ngun Dawt a zohkhenhtu Pi Zing Hlem nih aṭialmi cu ,“An velhmi pa hi a keh lei kut a khawng i nifatin sizung ah a hma ṭawl ah a kalmi a si. Sizung ah um ding asinain a kan a na rua a tiin a langtu in nifatin a hma ṭawl ah a kal mah ni celngel cu a ke in a von lawi. Voidang ah cun saikel in a Kal ton i mah ni cu a thlah don tu a ngak kho hna lo i ke in a ṭin. A ṭin pah amah tikhan velh a tonnak hi a si,” tiah a chim.

A pehrihmi cu, “An vuak lio ah a velhtu hoi nih video a zeih hna i midang sinah an kuatmi kha an kan kuat chinmi a si. Phorhlawt bia ah an ṭhawnnak an ni zeih bia si. Nain ngakṭah dawtu Pathian nih a phuan hna bia si ko khah. An velhmi hi nu pa ngei lomi a si. Kan sinah a um i tangkua a kai liomi a si. An khua cu Thang Zang asinain hohmanh nih an hlam kawl ballo,” tiah amah a zohkhenhtu Pi Zing Hlem nih Ngun Dawt an vuaknak video ah thil sining an halmi lehnak a tuah.

An vuakning konglam amah zohkhenhtu Pi Zing Hlem nih hitihin a ṭial, “ Avoikhatnak cu an zate in an velh i video an thla/zeih manh lo. A thi a chuakmi an ṭawlter i cu hnuah avoihnihnak an velh lio an thlak. Tlaih cu chim lo aa bawmmi lawngte an si. A vuatu hna hi minung 7 an si,” tiah amah a zohkhenhtu Pi Zing Hlem nih cun a chim.

Ngun Dawt, kum 15 tluk tlangval hi Thangzang khua mi, Pu Sang Kam (Tleicia) le Pi Ngun Taang (Tleicia) hna i an fale hna 3 lakah a hniangbik a si. Kum 2 a si ah a pa nih Malaysia ah a thih taak hna, cu tlawmpal ah a nu nih a thih taak. Halkha ah umnak a ngeih lo caah Hniarlawn khuami, Pi Zing Hlem sinah aa dormi a si.

Amah hi taang 9 a kai liomi a si i nulepa nih thih taakmi ngaktah buangro a si. A luan zarh chungah Cycle cung tluknak in a kut aa rawk caah sizung ah a hliamhma a tawl lengmang mi a si tiah a konglamh kan theih.

VIDEO timi hi hmehpiak law video zoh khawh a si lai.

Gofoundme timi hi hmehpiak law bawmhnak pek khawh a si lai.

Note: Comment cheukhat an pekmi le a sining konglam a theimi nih an chimmi kan von khomhsuatmi a si. A tamtling lomi tampi a um kho men.

Leave a Reply