By Iang Tha Sung| Hakha sipin lutlai pawl hmanthlak le facebook comment ah a van chia kho nan um hnga maw? Cun, Pi Van Bawi Hnem Aithing seh in a rialtu pawl an Facebook le an hmanthlak zong kha comment ahhin van chia cio uh. An mah pawl tu kha Facebook cul ve cang hna seh. An mah pawl kha an hmanthlak van post ve cang hna uh. A ho te pawl dah an si timi hmuh kan duh ko hna hih.

Sipin rian hi a biapi cu hnawnchar a si cuh. Sipin pawl hnawn rak char uh. Hakha khua chung ah khan hmunphiah i ken u law hnawm rak char uh.

Sipin ahhin upadi suai thiam zong nan um lo maw? Ziah upadi thiam sang mi hna nan sawm hna lo. Cun, upadi hi Laimi kan si caah Kawlca nan chuah lawng a za lo. Laica bak in chuah uh. Hihi nan molh nak pakhat a si. Australia hmanh ahhin COVID – 19 zulh phung hi an cozah nih Laimi caah laica tein a chuah piak hna.

Sipin rian hi cozah rian vialte ah a niam bik a si. A niam bik rian an tuan nain a sang bik ah ai hmu mi an si. Nan rian a simi hnawm char kha fel tein rak tuan cang uh.