Hakha sii-inn Ralkap le Palek nih an luhhnawh, an dirhmun a tha lo!

Chin News

Hakha sii-inn Ralkap le Palek nih an luhhnawh, an dirhmun a tha lo! Kan dirhmun a tha lo, khuapi le mino nih nan kan chuahhnawh a hau tiah Hakha Siibawi pakhat nih atu nai chunhnu 12:15 ah The Hakha Times ah a chim. Atu hi an kan ton i kan i ceih cuahmah lio a si. Asinain siibawite cu kan chuak dih lai kan ti. A dang Staff pawl vialte cu anmah duhnak kan hal ta hmasa hna lai, kan dirhmun a tha lo tiah a chim than.

May be an image of road

Sii-inn chung ah a um mi Nurse pakhat nih zanlei suimilaam pathum tiang kan in hngah hna lai i cu chung ah CDM a tuah mi poh chuak dih u, an kn ti tiah a chim. Atu a ra mi ah hin ralkap lei in Biohahmu le Chin State Administration Council in Pu Kyaw Ngein le upa dang an ra tiah kan theih. Charhchan The Hakha Times

Relchih: Ralkap nih mipi an thah mi hna nak fak deuh in KIA nih an thah hna. Nihin March 11, zinglei zong ah Pakhanh peng Seyin khua um KIA Tatmaha 9 tang ummi Tatzin 26 nih an pawng ummi kawl ralkap sakhan pakhat an lak than. Kawl ralkap hriamnam tampi KIA nih an chuh rih hna.

May be an image of 1 person

Nihin an i kahnak ah Kawl ralkap lei Buhmu telh in a thimi le hma a pumi an tam ngai ti si. An meithal zong zun 10 fai KIA nih an chuh hna. KIA nih rampi theih in an phuan cang. Mipi lei nih an kan sawm bantuk tein ralkap nih sualnak ngei lo mipi an kah peng hna caah ralkap cu kan tuk thluahmah cang hna lai an ti.

Leave a Reply