Hakha Rual-u phu nih a ngeih mi Thlaanmual kong ah thawngthanhnak: Hakha cu Chin ram khualipi a si bantuk in kum khat hnu kum khat a lam kip in kan thangcho ti khawh a si. A hlei in Inn le minung kan hung karh chin lengmang. Hakha khua hi miphun tampi cawh in umnak khua a si ca ah thihloh kan ton tik ah tha tein kan ruak i fim kho usih tiah saduhthahnak he Rual-u phu nih (No. 1) thlaanhmun (vawlei) khi cozah sin ah kan hal hna. Cozah lei nawlngeitu Pyi-htay-yee zung nih 2014 July 10 ah License zong an kan pek. Cozah lei in theihpinak (register) pek hnu in Hakha Rual-u phu nih atu tiang a herh ning in tuanvo laak in tuan cuahmah mi rian a si.

Rual-u thlaanmual ah 2020 Nov 12 tiang ah mithi aa vui cang mi hi 1055 hrawng an si. Thlaan thongkhat leng i vuinak ah hin mi cheukhat cu thlaanman khiah mi tangka a pe lo mi zong an rak um len. Theih ko bu in pek duh lo cu kan ti i an innlo ngai ahcun kan va hal ti hna lo. A philh sual mi hna nan si i pek duhnak thinlung nan ngeih ahcun atu hnu zong ah pek khawh kan si ko. Hakha Rual-u nih hmailei kan riantuan nakding ah bawmchantu siseh tiah 2020 October thla in zungkhan zong kan hlan cang. Caantling riantuantu zong kan lak i Monday to Friday ah a um peng cang. Cucaah thlaan kong he pehtlai in thawng hal na duh a si ahcun kan zung ah thawng hal khawh a si cang.

Rual-u Thlaanmual ca ah zulhphung ser mi: 1. Rual-u thlaanmual ah ruak aa vui ding mi nih tuanvo ngeitu Rual-u sin ah thawngthanh hmasa hnu lawng ah vui ding. 2. Thlaanman rikhiah mi phaisa tlamtling tein le felfai tein pekcolh ding. 3. Mithi thlah le thlaan veh tik ah mahle hmunthur tha tein fimtak ding. 4. Rual-u thlaanmual pawngkam ah ahohmanh nih hmunthur thlet lo ding. 5. Thlaan thial duh mi nih thial mi hna caah tuah mi hmun ah thial ding. Mah hihi Rual-u thlaan ah aa vui ding mi poh nih kan zulhpiak uh, tiah thawng kan in thanhchih hna.

Thlaan man: Thlaan man rikhiah mi cu thlaan pakhat vuinak ah Ks. 300,000 a si i hmundang in rak thial mi a hme mi tu cu Ks. 250,000 a si. Motor hlannak: Hakha Rual-u phu nih a ngeih mi motor (Super Custom ) hi mithi mizaw um tik ah Hakha khua chung ca ah hlan khawh kan si. Inn in thlaanhmun thlah man cu Ks.15000 a si lai. Hmundang i hlan duh ahcun umkalnak a hlat/naih zoh chun in rikhiah a si lai.

Rual-u phu nih kan i tinh mi cu Laimi ca ah thialtha tuahti a si. Hmailei kan karhlannak ah mizapi nih nan thazang/ruahnak le phaisa he nan kan telpi zungzal naklai kan in sawm hna. Lunglawmhnak tampi he Rual-u phu- Hakha- Chin State. Pehtlainak: Office Pu Tawk Lian Inn (09-45790854- Cherry Lam) Tangka Peknak: Van Dawt Bik Ceu – 09-40054905- 09-400554905 Pu Tawk Lian: 09-2450314-09-2450670- 09-2450315- 09-400554905, 09- 25299749. Ref: Hakha Times Daily Newspaper