Hakha pastor Nih Phungthar An Sermi Kongah Ka Lung Tha Hrim Lo: Pu Cung Hu

Theihtlei

Hakha pastor Nih Phungthar An Sermi Kongah Ka Lung Tha Hrim Lo: Pu Cung Hu

Image result for hakha

Hakha pastor hna nih an sermi bu HCMF (Hakha Christian Minister Fellowship) nih thihlohnak he pehtlaih in zulhphung thar an ser, hi zulhphung kong ah HOPE Blood Donor hruaitu Pu Cung Hu nih a lungfahnak a phuan.

HCMF zulhphung 11nak ah mah tein ai thatmi cu ruak thlah lio thlan hmun ah Khrihfa phung in vui lo ding, thlacamnak lawnglawng tuah piak ding timi ai tel. Hika zawnte ah Pu Cung Hu a lungtlin lo biknak a si.

Pu Cung Hu nih,”Ramleng Um Khrihfabu Hruaitu Hna Le Pastors Hna: Mah te in Nunnak aa La mi Hna Cu zeitindah nan vui cio hna?A tanglei ah ka rak thil mi hi Hakha Christian Minister Fellowship nih zulh awk ah an kan chiah piakmi a si…Thih Chin chap i taantak mi chung khar caah Khrihfa phung in vui lo ding ti cu. ka lung hno. Ka ngaihchia tuk,” tiah Facebook ah a tial.

Amah tein aa thatmi cu thlan hmun kal hlan chungkhar caah Pathin bia in hnemhnak le thlacam piaknak ngeih hnu ah thlan hmun ahcun thlacaam lawng tuah siseh (khrihfa phung in ruak vui lo ding).

phio

 

Mah tein ai thatmi hna Khrihfa phung in vui lo ding an timi hi Hakha ah mah tein ai thatmi milu zor deuh hna seh ti an duh caah a si kho men tiah a ruatmi zong an um, a sinain mah zulhphung an ser ruangah mah tein ai thatmi milu an zor deuhnak ding lam a um lo tiah cheukhat nih an chim ve.

Ref: SLT

Leave a Reply