Hakha Mizapi Sin Sawmnak: Ralkap uknak duhlonak langhternak caah tuzan suimilam 8:00-8:15 kar Hakha khuachung ummi dihlak nih kanmah le inn cio tein umkheng tum dingin kan sawm hna. Hi lio caan ah Motor, Cycle, Tungbing aa citmi zong nih nan kalpah in minute 15 chung nan icit mi hawn cio kha a thang bik in tum ding a si lai.

Cun 8:15-8:30 kar ah kan inn electric mei hmih dih cio in kan ram caah Pathian sin thlacamnak kan ngei hna lai. Biakilh: (1) Hohmanh innleng le lam cung ti bantuk ah chuah in umkheng tum lo ding. Mah le inn cio in thlalang awng asilole innka hun i tum ding.

(2) Motor, Cycle le Tungbing zong dir buin siloin kal pah in tum ding. (3) Palek nih tlaihkhih phun a um ahcun mah le sang kip mino hruaitu chungin theihhngalhmi a rangbik in pehtlaih i thawngtheihter ding. (4). Atang ah khan copy paste tuah in hi ca hi facebook ah rak i post cio le kiangkap thawngtheih ter cio izuam hna usi. Ref: CBN

Relchih: Melbourne Protest Sawmnak: Thaizing hi Melbourne khualipi laicer- Federal Square ah protest an tuah lai. Flinders Train station hmai te bak khi a si. Organiser pawl cu kawl an si. An man he zong tlamtling tein kan i chon cang. COVID-Safe guidelines ruangah leng ah minung 100 lawng tonpumh khawh a si. 100 group te te in um kan hau hna lai. Thaizing a ra ding paoh Flinders station hmai ah kan i tong hna lai. 11:00 am hlan ah ah phanh khawh i zuam hna uh sih.

Minung kan tam lai caah mask nan rak i ken cio te lai. Ralkap uknak duhlonak langhter a si ko. Kawl nih an tuah zong ah zuan hnawh ko hna uh sih. Kan mah Chin upa pawl zong meeting kan ngei lai i fak piin ten kan la lai tiah kan i tim cuahmah ko. Upatnak he, Simon Sang Hre