Atu hi Hakha khuathar Pupa thlan inntek theihter um lo in Cozah hrawhmi cungah inntek an ngei a chia taktak. Mitampi nih an lungfahnak le thil sining kong an chimmi rak ngai ve hrimhrim. Pupa thlan tibantukin an tuahtomi hi khuami hna caah cun ngaih a chia hringhran ko lai mu. A video rak ngai chih.

Cu konghe pehtlaihin Pu Biak Peng (Lothlo Chairman) nih a chimmi cu ” Atu hi hi Hakha khuathar kan nu kan pa kan pi kan pu thlan hmun hi kumkhat voikhat maw mithi chungkhat hna nih an thlawpiak hna cun an sersiam. Cun Hakha khua mino zong nih kumfate an tharchuahmi an hmuh ko nain hihi kan Cozah nih maw ho nih hi thil an tuah tikah hin a thlithup bakin an tuah i kan Auhchozi zong theihternak um lo kan cawng sayakyi zong theihternak um lo.

“Hi tikah anmah nawl in zanttim i anmah nawl in thil an tuahmi hi tapung rianttuan a si i damiah rianttuan bantuk a si ti kha keimah nih ka hmuhning zong a si i mithimi chungkhar ca zongah siseh khuami kan ca zongah lungfaak awk ngaingai. Khuathar nulepa a hme in a ngan in a lungfimmi pohpoh cu kan ngaih a chia i an lung a faak dih. Nihin hi an kan tuahtomi hi thi hlan lo philh awk a fawite mi thil a si lo. Zeihmanh thawngpang zong a um lo thlan tthial uh ti zong a um lo i thlan hmun hi kan herh cang lai tiah chim relmi pakhat zong a um lo.

“Keimah pumpak sining le ka ruahning ah cun hibantukin thlan an hrawh le hibantuk thil kan ton tikah hin Cozah zong nih hmaileiah hibantuk thil kan ton tinak hnga lo le hi vialte hlan a taang rihmi zong hi hman an duh a si ah cun cuttin tein thawng kan thanh in kan theihter hna sehlaw cu hnuah anmah he ttha tein tonnak kan tuah hna sehlaw mipi he lungkhatte le lungtlin tein tuah hnu lawnglawng ah hmaileiah rian kan ttuanpiak hna seh. Cun anmah nawl in hibantuk thil an tuah lengmang si ahcun mipi caah buaibainak a chuak i lungfahnak a chuak tawn ti kha vun chim ka duhmi a si” tiah a chim.

Note: Midang nih an chimnak tampi a um i a video in an chimnak ngaih khawh a si. Kanmah ruahnak in kan ttialmi a si hrimhrim lo ti kha kan theihpiak hram uh.

An chimnak video ngaih khawh a si. Hi link rak hmet law a video a um lai.