PU NO THAN KAP NIH A CHIM VE CANG: I. NTK nih Hakha khualipi cu Falam ah a tthial lai ti phunphai bia kan theih leng mang. Zeitin na ruah ning asi. Ans: Ka hngakchiat deuh lio in Falam in Hakha ah Khualipi an thial .. ti hi ka theih tawn i ka rem lo ngai. A um cianak hmun in a dangah thial cu a hau hmen maw ka ti. Mah lio ah Hakha khua zong ka hmu bal lo i a hmunram a siat le that zong ka thei lo.

2013 lawngah Hakha khua ka phan. A hmunram a rak tha ngai ti ka hmuh. Tu ah ka ruah mi cu, 1 A hmunram thatnak le remnak ah khualipi a um cu a tha ko. 2- Kum 60 khualipi a si cang mi Hakha in hmundang ah thial than ti cu a herhnak ka thei lo. 3 Hakha le Falam tham cu minung kan tam chin lai i kan fate chanah cun khua pakhat bantuk in an i peh te ko hnga. Mah khua deuh ah siseh tiin buaipi tlak ah ka ruat lo. 4-Falam ca ah khualipi hnakin khua dawh le nuam Garden City of Chinram a si khawh ding khi a tha deuh tin ka ruah. Airport a um, Nikhua climate a nuam, Ei-in hanghnah-hangrah phun phun a tam, Hmuan garden dawh tete a um kho.

II. NTK nih Hakha holh cu a hrawh lai i Falam (Laizo) holh a cawisang lai an timi teh zeitin dah asi. Ans: Falam le Hakha holh hi holh pakhat ah hmuh thiam a hau cang. Zeica ti ah 90% a khat ko. Zei holh kan hman zongah kan i theih dih cu ta. Holh dang dang in hmuh ding a si ti lo. Holh pakhat in kan hman thiam ahcun holh ropi le famkim a si ko hnga. Mah deuh hi siseh tiin buai awk a si ti lo ti ah ka ruah. A dannak si loin a khatnak hi hmuh thiam a hau cang.

Thufim ah The wise man changes his mind, the fool never “ tin a um. Mifim ka si ka tinak si loin, thil kan hmuh ning le kan lungput hi a dik deuh mi kan theih tikah siseh, pumkhatnak a si khawhnak hnga siseh, thlenh a hau tawn. #Kan thlen khawh lo ahcun Chin miphun lungrualnak ti bia cu a chimh in chim ding kan si lo.

III. CNLD nih Chin cozah hei chuak kho ulaw a ho dah CM ah a tuan hnga? Ans: CNLD nih Cozah chuah khawh sehlaw, lutlai (Chairman) sinak lawngin CM tuan khawh a si lo. CM si dingah Ramkulh State MP  MLA thimnak ah tlin hmasak a hau. Tu tiangah CNLD hotu 3 sungin a ho nih State MLA cuh ding le cuh lo ding ti bia cheihnak a um rih lo.

IV Party pathum rori pakhat ah nan i funtom khawh cu kan in lawmh hna. Zei ruang cem ah dah nan funtom khawhnak asi? Ans: Mipi duhnak lawng si loin, party 3 policy a khat ruangah i funtom a tha kan ti ruangah a si. (V) Party pakhat nan si hnuah Chairman 3 nan um hi zei ruangah? Ans: Mäh hi a theithiam lo an tam ngai rua. Mah hi hi Chairman kan in ken khawh lo ruangah a si hrim hrim lo. Mah ning in kal hi a tha bik kan ti ruangah a si.

Leitlun Ram nuam bik le Direct-democracy diktak Switzerland ah, Federal Council timi mi 7 in an uk. Anmah sungin President a thleithlak (rotational) in an tuan. Asinan an 7 in an sinak le thuneihnak a bangaw thluh. Hivek style kan cawn mi a si. Hivek Chairman pakhat hnak ih tam (plural executive) thatnak cu;

1- Chairman a mah pakhat thu lawngin (dictator bangin) party a fehpi thei lo. 2- Chairman 3 an si tikah,  thupi hlapi ah rawnaw ringring in hnatuan a tul ih ti palh a har, thu relcat mi a fel in a fim. 3-Chairman si dingin cuh awk buai a um thei nawn lo.

4-Tui Chairman 3 ih tuan tlang vek hi a that tuk ruangah, Party dang dang komawpawl khalin in cawn vivo kan zum. 5-Chairman 3 um ruangah, hrilawk ah nehnak co thei hman sehla, uktu bik tuantu ding an kian aw thei lo ding, an buai ding timi hi a dik lo. Ziangahtile, hrilawk hlan ihsin, thleithlak in CM tuan ding maw, zo in CM, zo in Assembly Speaker, zo in CAM, tipawl relfel cia thluh a si ding ruangah cuhawk buai theih a si lo. Note.( Bia lehnak hi amah cattial ning tein asi remhmi a um lo)

Credit: Pu No ThanKap.