Hakha Khualipi Mipi Nan I Ralrin Taktak Ahau Cang Hakha Sizung Zawtnak Ṭihnung A Ngeimi Minung 30 An Hmuh Hna Thi Hlutu Zong Kan I Ralrin Aherh: Kumpi kumkhat chungah Hakha sizungpi ah HIV hrik zawtnak angei minung 30 an hmuh hna tiah theih asi. Chin ramkulh, Hakha sizungpi ah mizaw thisetnak angeih i HIV hrik-zawtnak a ngeimi minung 30 an hmuh hna ti asi.

A luancia kum 2018 January thla in December thla tiangah Hakha sizung pi ah mizaw an tam ngaingai i, mizaw cheukhat bawmhnak apetu thisen a hlutu pawl an thisen setnak na ngei tikah cu, mizaw thisen a hlutu (donated) hna chungin HIV hrik-zawtnak minung 30 bak an hmuh hna ti asi.

Kumpi kumkhat chung Halkha siizungpi ah mizaw an tthlawpmi hna le thisen hlutu pawl hi an zah tein 5446 an si hna hi cu hna cu zohfelhnak le thisen setnak an ngeih tik hna ah atubantuk in HIV zawtnak a ngeimi minung 30 an hmuh hna hi asi. Cu HIV zawtnak a ngeimi hna cheukhat cu (C) zawtnak hrik a ngeimi le (B) zawtnak hrik a ngeimi an tam ngaingai tiah Dr. Biak Kung nih  The Hakha Post ah aa chim.

Aluancia kum 2018 ah Hakha siizungpi ah ummi mizaw 5440 an thisen setnak an ngeih hna tikah minung 228 tluk nih (C) zawtnak hrik le (B) zawtnak hrik a ngei kan hmuh hna tiah Dr. Biak Kung nih aa chim. Laknak: The Chin Journal