Hakha Khuabawi An Mualpho Cikcek Ningzak Taktak An Si

Hmuhning

Covid-19 Zawtnak ruah ah Bomhnak a ummi Hakha Khuabawi nih an ei dih. Mah bomhnak hi Mirum ca ah maw, Misifak ca ah dah bomhnak hi a si?Zeiruangahdah mirum deuh report ngamtu a simi lawng an phawt hna hnga?Hakha ah nikhat țuanmi nikhat eiding mi hna teh ziah an covo a um ve lo maw? Thlangtlatu nih hin Khuabawi te sin ah si loin Khrihfabu cio ah bomhnak hi rak pe hna seh law sifak mirum nih an tin dih cio hnga.

Image may contain: text

Register Media kan si a timi pawl ziah mah bantuk thawngpang hi nan hun thanhpiak hna lo? Laimi mahpumpak miak a duhmi kan nun hi ka fihtuk. “Kan ram nih zeidah a kan thathnem tinak in kan ram ca ah zeidah ka țhathnem ti kha i hal” – John Fitzgerald Kennedy

Thawngpang dang rak rel chih: Pastor David Lah hi minung lei hmuhning ahcun a mual a pho ti khawh a si. “CoronaVirus hi scientist nih an sermi chemical, a leak mi a si” tiah evidence a lomi cu, a si taktak bantuk in a sermon i, ngaitu tampi Lungaw-ttawm in a chiah hna. “ ziah, upat ngaimi cawnpiaktu nih mahbantuk pi cu a chim hnga,” tiah comments an pek cio. A von pehmi ah “If you hear the sermon of God, the virus will never come to you, I declare it with the soul of Jesus Christ.” a ti rih.

Asinain a chimtu lila cung ah Virus a phak tikah ruah ding a tam. Minung lei sining ahcun mualpho cazin ah chiah khawh a si. TB Joshua nih “US President ah Hillary Clinton a tling lai. Pathian nih a ka chimh” a ti nain a tak a phan tikah Trump a tling diam. Cucaah, Minung tampi nih false teacher ah an ruah colh bantuk kha a si.

Laimi tampi hi miphun le biaknak kong ah kan Lung a rang deuh in a lang. Tedim ah Covid 19 an hmuh kong an thanh tikah, “a dik lai lo. Chin miphun an kan namneh a si” tiah tampi nan zai colh. “Racism” a si tiah nan tlikpi. Nain “ caan/times” nih nan palh an hngalhter hna.

Atu Pastor David Lah kong ah “biaknak thleidan a si” tiah “religious discrimination” lei ah nan tlikpi colh hawi. Zeithil paoh hi a context hi zoh hmasa peng a ttha. Cun, amah context chung ah comments pek thiam zong hi a biapi ngai fawn. Zeithil paoh hi, a Context zoh loin, “racism le biaknak thleidan” lei rumro ah zei paoh kan merh ahcun, cucu kan miphun caah thiltha a si lo, ka ti.

Covid 19 Virus in a zawmi cu vawlei pumpi ah 2 millions an phan cang. A thimi hi 126,812 an phan cang. Laimi chungkhar sin zong ah a phak cuahmah ve cang caah, ileng kai kha hrial bak rih ko hna usih. Iralrin hi si/medicine thabik a si ko. Nuam tein ilengkai khawhnak niceu ttha kan hmuh zau ko lai. Credit: Zasang Cinzah

Leave a Reply