Hakha, Falam Le Thantlang Ah Nihnih Chung Meimit Lai: 2020 January 23 zinglei suimilaam 6:00 in January 25 zaanlei suimilaam 6:00 tiang Hakha, Thantlang le Falam mei a mit lai. Mahar-dat-ar-line tung thial le remh ding a si, tiah Hakha Electric Zung in thawng kan theih. Fiang deuh in kan in thanh than te hna lai. Ref: The Hakha Post

Relchih: Thantlang ah 20-2-2020 ah Kum 72 nk Chin Miphun Ni hlunghlai ngaiin tuah dingmi ah Main Committee nih Information Committee ttha tein nan dirh i biatak deuhin nan cawlcangh a herh ko cang. Bia vaivuan zong a lettu um lo biadik thanhtu zong um lo, khua leeng deuh ah asi lai caah zeitindah umkalnak kan tuah lai “Line Bus umkalter hau bak lai” le tthutdir ning si lai tibantuk khual sawhsawh pawl caah chawhvahnak hmun-rawldawr-riahnak hmun”Guest House” tibantuk tete hna thawngpang theihternak pawl zong tuah chung ding si lo maw? Atutan CND hi Thantlang khua caah a miakhmaimi a chuahpimi caanttha ah timhtuah le i zuam a herh ngaingai. SkyNet tibantuk Video thlaaknak zong tawlrel i ramchung le ramleeng Tourist pawl an rat duhnak ding tiangin a hlaankan in fakthanh zong tuah pah ding asi cang lo maw?

CNF/A kan U/Pa le biachimnak pek an timhlomi hna cu lung a ttha ruam loh. “Hakha i rak tuahlio ah CNF/A palai nih biachimnak a ngeih i amah duhning bakin a tthuat khan hlah maw biachimnak pek an ngamh ti hna hnga lo tiah ka ruat ngai. Ramkhel minung sinak cun a dik tuk ko lai nain Zapi i upatnak le Hakha Laiholh a theilomi hna lak i Laiholh bakin a duhmi paoh a chimmi nih khan a lau ter rua hna ka ti. Mah hnu khan CND ah CNF/A biachimnak an pe duh ti rua hna lo hlah maw ka ti. Ka hei ruah sawhmi

Atu Thantlang ah tuah dingmi Kum 72nk Chin Miphun Ni tlamtling te le hlunghlai ngaiin kan tuah khawhnak dingah Thantlang khuanu khuapa, Chin Miphun Ni Tawlreltu Komiti nan biapi tuk. Mipi lungtgawhnak ding le thawngpang dik a fiangmi thawngthanhtu Komiti “Information Committee” cu ttha tein ser i biatak deuhin ttuanvo pek a hau cang rua ka ti. Tluang Za Thang