Hakha Dawrngei vialte sin sawmnak! Ralkap uknak duhlo langhternak caah Hmaizarh nikhat ni zanlei 2:00-5:00 kar dawr khar dih a si lai) Ralkap uknak kan duhlo langhter nak ah a lamkip in a cawlcangmi Nu le Pa hna nan fale nih upatnak kan in pek hna. Hmainawr rih ko hna usi.

A ra lami cacawn nikhat ni (February 8, 2021) zong, zanlei 2:00-5:00 tiang Hakha khuapi chung ummi zei bantuk dawr paohpaoh zaangfah tein khar cio dih dingin kan in sawm hna. Hramhram in hriamnam he a kan uktu ralkap cozah kan duhlo zia langhternak caah zung riantuan nih an rian tuanlo in an um.

Umkheng a tummi nih an tum, biachim le catial in a doh mi nih an doh lioah kannih zong kan zapi lungrual tein dawrkhar in kan sining langhter ve hna usi tiah upatnak le bochannak he kan in sawm hna. (Hakha khuapi nih thawng kan theih khawh nakhnga nan fb ah rak post cio hram uh) Credir: CBN

Relchih: General Min Aung Hlaing Le A Mithim Pawl An Thihter Hna. Nihin uknak latu ralkap cozah duhlonak pakhat ah General Min Aung Hliang le cozah thar a ser mi a mithim pawl an thi tiah ruakkuang ser in an khanghnak a si.

Hihi ralkap cozah duhlonak ca ah an tuah mi a si i, Yangon khua South Okkalarpa ah an tuah mi a si. Note: Mah hi an thi taktak tinak cu si loin zeitlukin dah an thlituahmi cungah huatnak le duhlonak in a khat timi hmuhsaknak caah atu bantukin an tuahnak a si.