Hakha Covid-19 Bawmhnak Phaisa US $1,740 A Chuak Cang

Chin News

Admin||05|Biangreithlep 09|2020||Covid-19 ruangah harnak a tongmi kan miphun hawi bawmhnak le ikilvennak caah nan kut nan rak samh cio caah kan lunglawmhnak kan langhter. Mah bawmhnak hi Hakha Covid-19 Response Committee le Hakha Covid-19 Response Committee USA komh in tuahmi a si. Atu tiang ahhin bawmhnak thawhmi a chuakmi US $1,740 a si cang. A hmuitinhmi (target) hi $50,000 a si. Kutsamh cio i zuam hram hna u sih! Gofoundme timi hi rak hmehpiak law bawmhnak peknak a um lai. An tuahnak ruangah le mipi theih a herhmi tete zong zoh ding a um.

47873958_1588887339381856_r.jpeg

Committe lei nih an chimmi “Zeiruanga ah dah Hakha hmun le hma thengte kan thim. Atulio hi Hakha Khualipi ah Pulrai Zawtnak a ngeimi pakhat a um cang.Hi pulrai zawtnak in kan i runvennak le raldohnak caah Chin Ramkulh Cozah le Ngandamnak Zung pawl lawng rinh awk an tha hrimhrim loh. Hakha Sizungpi hi Chin Ramkulh chungah Pulrai Zawtnak angeimi an tam deuh ahcun “Treatment Center” ah an hman dingmi si. Hakha Sizungpi nih hi zawtnak tlopnak caah a ngeihmi thilri a tlawm tuk.Tahchunhnak ah, Ventilator hmanh hi pakhat te lawng a ngeih.

47873958_1588718960325852_r.jpeg

Pumpe riantuantu(Volunteer) mino 200 leng nih rian an tuan. Mizapi nih hi Pulrai zawtnak in an irunvennak ding caah a herhmi fimchimh cawnpiaknak,Khual luhnak lam zohkhenh, Facility Quarantine le Home Quarantine vialte ah manh lo taktak in riantuan le cawlcangh si. Volunteer 200 lengkai caah an herhmi thilri vialte le, umkalnak a dihmi,lakphak , chuncaw le zaanriah tiang damhkhanpiak an herh. Cu vialte caah cun, chawva tampi a herh ko. Hakha Laihlum lei zong nih an si khawh tawk an thawh len ve ko nain ngeihchiah chawva tampi an herh peng rih. Cucaahcun, hi Pulrai zawtnak raldohnak ding Hakha Sizungpi caah thilri cawknak le Volunteer pawl riantuannak caah na chawva in na kut rak samh ve tiah kan in sawm.

Leave a Reply