Hakha khua um Chin Oo Sii sang Mino hna nih Ram caah rianṭuanmi CNA/F Ca ah tiin innkip ah kal in bawmhhalnak Tangka an kholh tiah Chin Oo Sii sang ummi Mino hruaitu a si mi Salai Joel Van KL nih a Facebook ah a tar.  Hi bantukin Mino nih hi bantuk lungput an ngeihmi hi uar an um kho taktak.

Ram le miphun caah tiin pumpe in rian a ṭuanmi hna caah zawnruahnak le siaherhnak an ngeihmi le an rianṭuanning zoh tikah, lung a hmui tuk hringhran. Upatnak awk tlak taktak khi an si. Hi cawlcanghnak ah hruaitu a simi Salai Joel Van KL nih a facebook ah tarlanghmi an cawlcanghnak cu a tangah kan langhter.

Chin Oo Sii Mino Bu cawlcanghnak hmanthlak. CNF/A ca ah Chin Oo Sii Sang Mino nih inn kip te kal in ni hnih chung tangka kan kholh i, kan hmuh mi a dihlak ah sing 20 hrawng a si. Ram le miphun ca ah, thazaang mi mino nan dihlak cung ah lunglawmhnak tampi kan ngei. Hmailei zong ah ram le miphun ca ah thazang chuak khawh cio i zuam hram u.

 

Upatnak he
Caan karlak Chin Oo Sii Mino Bu hruaitu
Salai Joel Van KL

Admin hmurka:Chinworldnewsvening nih thawngpang kan ṭialmi hi kanmah nih kan phuah cawpmi kan ṭialmi a si lo. Reference/Credit/Source ṭha tein kan pek peng lai. Asinain minung kan ti cu tlamtlin lonak tete zong a kho mi a si caah thawngpang kan ṭialmi kan palhnak a um cun theihter khawh peng kan si. Cun, pehtlaihnak tuah duhmi nih Chinworldnewsevening page ah le J Vanduhthar Lahnin timi Facebook ah pehtlaih khawh peng kan si. Mipi sinah thawngpang thlazamh na duhmi um cun zeitik caan paoh kan i thlahzamh piak khawh zungzal hna. Kan ca a kan rel piaktu nan dihlak cungah kan ilawm. Upatnak he-Admin