Hakha Cawbuk Sang mipi ngaihchia in a chiatu hna Khuabawi Pu Than Lwin Oo a rian in an phuah

Chin News

Hakha Cawbuk sang, khuabawi Pu Than Lwin Oo cu Cawbuk sang ummi chungkhar 230 nih Cozah sinah a rian kan phuah piak uh tiah nawlnak an tuah. Cozah nih an phuah piak hna lo cun, lamzawh tiang an i timh hnuah Cawbuk Sang, Khubawi Pu Than Lwin Oo cu a rian phuah le dinhter a si a cang.

Hi kong he pehtlai in, A lamkip Cawbuk sang ṭhancho bu Chiarman a simi Pu Ni Kam nih,“Cawbuk sang khuabawi Pu Than Lwin Oo hi khuabawi a ṭuannak in nihinni tiang mipi he tonbiaruahnak voikhat hmanh a ngei bal lo. General meeting zong a au bal lo. Amah duhning paoh in rian a ṭuan i kan sang (Cawbuk sang) chungah ṭhanchonak zeihmanh a tuahmi a um lo.

“Cawbuk sang kan vawlei hi a duh ti paoh in a tuah i, kan sang ah inn hmun zong a lawngmi pakhat hmanh um ti loin a kan zuar kanh dih. Cawbuk sang ummi ngaichia in kan um. Cun, sifak santlai pawl cu inn hmun kan peek hna lai tiah phaisa a hal hna. Inn hmun zong a pek hna lo an phaisa zong a khirh ti hna lo i cuticun chungkhar ngaihchia in an um hna.

“Inn hmun pakhat ahhin ting 250000kyat le 150000 kyat tiin a lak hna. A cheu cu 200000 kyat a lakmi hna an um. 100000 kyat a lakmi hna zong an um i inn hmun he phaisa he pek ti loin a chiahmi hna tampi an um. Amah khuabawi a ṭuan hrawmthawk in nihinni tiang, Cawbuk sang caah ṭhancho zeihmanh a tuahmi a um lo. Cucaah, Cawbuk sang ummi chungkhar 230 ai-awh in thawngthanhnak kan rak tuah hi a si,”tiah Pu Ni Kham nih cun a chim.

July thla chungah, kan khuabawi pa hi a rian in kan phuahpiak uh tiah cunglei nawlneitu sinah ca an rak ṭial. “Hakha GAD zung lei nih kan khuabawi phung ning tein phuahnak ca an kan pek cang” tiah Cawbuk a lamkip thanchonak bu lei in lutlai Pu Ni Kam nih a chim.

Admin hmurka: Chinworldnewsvening nih thawngpang kan ṭialmi hi kanmah nih kan phuah cawpmi kan ṭialmi a si lo. Mipi sinah adikmi thawngpang zamh hi kan i hmuitinhmi a si. Cun, thawngpang kan ṭialmi hi areltu mipi caah ṭhathnem santlaih, theihtleih ṭha siseh ti hi kan i hmuitin bikmi a si. Asinain, minung kan ti cu tlamtlinlonak tete zong a kho mi a si caah thawngpang kan ṭialmi kan palhnak a um  cun theihter khawh peng kan si.

Mipi sinah thawngpang thlazamh piak na duh si cun zeitik caan paoh kan i thlahzamh piak khawh zungzal hna. Kan thawngpang ṭialmi kongah, pehtlaih a duhmi nih Salai J Vanduhthar Lahnin ah pehtlaih khawh peng kan si. Cun, kan ca a kan rel piaktu nan dihlak cungah kan  ilawm. Upatnak he Admin

Leave a Reply