Mang Tha Lian nih Jesuh nih Hakha a ttah timi kongah Saang Awi nih a tanglei bantukin lehnak a tuahmi hi kan van hrawmh ve hna. Ruah phu ngaingai a si.

Saang Awi: Jesuh nih Hakha caah a ttah lio nahmuh lo pin ah Hakha caah kattap Mang Tha Lian tiah an chimh lo bu ah naruah nak ttawnchom in na ttialmi nih hin! Alangh termi a um I a ttha veko. Cucu Jesuh nih Jerusalem khualipi caah a ttahmi kha thinlung mitthlam ah a va cuang ruangmang. Jerusalem hi Pathian nih Siangpahrang David hmangin a ser mi Khua lipi a si caah a hlei in ai zohthla mi le a dawt hleikhun mi a si.

Cucaah nihin ni a dirhmun zoh ah cun dohtu huatu raaltu nah chuahtu rawk cikcek seh tiah aa zuamtu tamtuk a ngeimi a si nak dirhmun in Zumtu khrihfa hna kan caah cun vawlei cung minthang bik zumtu hna kan ca-ah cun kan khualipi bik a si I !A sertu Pathian nawl/bia an ngeihlo I a ngeih an chiat tet caan ah khan Jesuh nih a rak ttah kha a si. Jerusalem ban tuk in Jesuh ttahmi Hakha cu si taktak sehlaw cu Laimi dihlak nih lunglomh tuk hringhran awk khi kan sihnga.Na Cabia aa linglet deuhvak.

Rom 13:1= Efesa 6:5=Kolose 3:22=1 peter 2:14=Pathian hnatlaak nak tel loin uk tu Bawi an silo.Cu ca-ah Pathian nan ttihzah le a nawl nan ngeih bantuk in nan Bawi le kha an nawl ngai uh.Cun tthat lo nak a tuah tu hna daantat awk le tthatnak a tuah tuhna thangtthat nak pek awk ah thlahmi bawi an si ca-ah an nawl ngaihna uh law u pat tiihzah hna uh tiah kanhmuh. Cun zumtu nih zeipoh kanton mi hna cungah hin Pathian hnatlak nak tel loin kan tong hngamaw?Tihna hi faak pi-in ruah kanhau I kanherh.

Mang Tha Lian: Jesuh nih Hakha A ttah: Cun hi mi hna nih khuapi an sermi le innsang an sakmi zoh awkah khan Bawipa cu a rung tum. Hakha ah dinnak a um lo. Hakha ah Dawtnak a um lo. Hakha ah zaangfahnak a um lo. Hakha ah zumhawktlakmi an har. Hakha ah Jesuh nain Vawlei chawva a duh deuhmi an tam deuh. Hakha ah Ram le miphun caah si loin le Khrih le ram caah si loin mah thanchonak caah rian tuanmi an tam.Khuapi cu a dihlak in aa tuai, thaw le ri he a khat i a hninh in aa hnin.” (Isaiah 22:2) Jesuh nih Hakha A tah! Jesuh nih Hakha atah! Photo Credit: Zalen