Hakha biaceih zung nih Pa Cung Bik a bia an ceih piak cang

Thawngpang

Salai J Van Duh Thar Lahin||Oct-26-10-2020||Hakha, Khuathar khuasami kum (4) ngakchia nute a sualpi tu Myat Thu Aung cu thla thum hnu ah kum (10) thong tla ding in, Hakha Pengkomh, Biaceih Zung nih 2020 October 26 ah biachahnak an tuah piak cang tiah thawng kan theih.

Kum 4 ngakchia nute a sualpi tu cu Myat Thu Aung tiah auh a si. Asinain a Lai min taktak cu Pa Cung Bik ti a si i Hakha Pengkomh, Biaceih Zung nih 2020 October 26 ah kum (10) thongtla dingin biachahnak an tuah piak hi a si.

Hi kong he pehtlai in tlaihhrem a tongmi nute i hringtu a nu nih,“Hremnak an pekmi hi ka lungtling i ka lungsi ko. Aruang cu amah hi kan ral zong a si hlei loh. Upadi ning tein nawlngeitu nih hremnak a pekmi hi ka lungsi ko.

“Hi nak fak deuh in hremnak pe hna seh ti kan duhmi theng zong a si loh. Upadi ning tein hremnak an pekmi ah kan lungtling ko rih. Kan duhmi cu a dikmi biaceihnak hi a si. Nawlngeitu hna nih a cungah hremnak an pekmi hi ka lungtling ko.

“Hi bantuk tiang hi kanmah leikap nih kan i timh mi le kan i ruahmi zong a si lo. Anmah lei nih a dihdongh tiang ngaihthiam zong kan hal hna sehlaw cu, a dai ding khi a si ko,”tiah tlaihhrem a tongmi ngakchia nute hringtu a nu nih cun a chim.

Kum (4) ngakchia nute tlaihhrem a tonnak hi July 27 ahkhan a si i, atu bantukin thlathum hnu ah lawngah sualnak atuahtu Pa Cung Bik cu Hakha pengkomh, Biaceih zung nih hremnak a pek khawh hi a si. Kum  (4) ngakchia a tlahhremtu Myat Thu Aung@ Pa Cung Bik cu Hakha Pengkomh, Biaceih zung  nih cu tlaihrem timh case pohma 376-511 in biachahnak an tuah piak theih a si. Chirhchan-Chin World

Admin hmurka: Chinworldnewsvening nih thawngpang kan ṭialmi hi kanmah nih kan phuah cawpmi kan ṭialmi a si lo. Mipi sinah adikmi thawngpang zamh hi kan i hmuitinhmi a si. Cun, thawngpang kan ṭialmi hi areltu mipi caah ṭhathnem santlaih, theihtleih ṭha siseh ti hi kan i hmuitin bikmi a si. Asinain, minung kan ti cu tlamtlinlonak tete zong a kho mi a si caah thawngpang kan ṭialmi kan palhnak a um  cun theihter khawh peng kan si.

Mipi sinah thawngpang thlazamh piak na duh si cun zeitik caan paoh kan i thlahzamh piak khawh zungzal hna. Kan thawngpang ṭialmi kongah, pehtlaih a duhmi nih Salai J Vanduhthar Lahnin ah pehtlaih khawh peng kan si. Cun, kan ca a kan rel piaktu nan dihlak cungah kan ilawm. Upatnak he Admin

Leave a Reply