Breaking News: Hakha, Kohkun lampial lonh, See-Myaing Zung chak ah motor le motorcycle fak ngai in an i pah. Minung fak ngai in an i khawng, sii-inn ah an kalpi hna, tiah kan theih. An i pah caan hi, zaanlei suimilaam 4:40 hrawng ah a si. Photo: Siang Awi. Source: The Hakha Times

Thawngpang dang rak rel chih: Hakha Chin Oo Si Sang um Evan. Thang Zel inn an bauh tangka zeimawzet an lak. Hakha Chin Oo Si, Nichuahlei sang um Evan. Thang Zel inn cu, nihin 2020 October 29, chun suimilaam 10:00 in 11:00 karlak ah mifir nih an bauh i, tangka sing 4 hrawng an lak, tiah kan theih.

Evan. Thang Zel nih, “Kan nupa in Rual-U thlacamnak tlang ah, thlacam ah kan kal. Kan kal hi zing suimilaam 10:00 ah a si. Kan fanu sianginn cachim a tuan mi inn ah a um. Kan kal tlawmpal khan anih kha sayagyi pa nih a auh i, cazin tuak ah cikhatte a va kal khi a si. Inn zong tawh a hrenh ta dih. Caan sau a rau lo, a rak tin ahcun innka cu aa hung dih cang. Bizu chung ah tangka kan chiah mi sing 4 hrawng an lak,” tiah The Hakha Times ah a chim.

Atu bantuk in inn an bauh hi, atu lawng a si lo. An inn pawngkam zong atuletu an bauh lengmang hna. A bauhtu le a firtu hi mizeisat a si an thei rih lo. Cun, inn an bauh caan le thil an fir caan zong hi zaan ah si loin chung lawngte ah a si, tiah Sangmi cheukhat sin in kan theih. Source: The Hakha Times

Admin hmurka: Chinworldnewsvening nih thawngpang kan ṭialmi hi kanmah nih kan phuah cawpmi kan ṭialmi a si lo. Mipi sinah adikmi thawngpang zamh hi kan i hmuitinhmi a si. Cun, thawngpang kan ṭialmi hi areltu mipi caah ṭhathnem santlaih, theihtleih ṭha siseh ti hi kan i hmuitin bikmi a si. Asinain, minung kan ti cu tlamtlinlonak tete zong a kho mi a si caah thawngpang kan ṭialmi kan palhnak a um  cun theihter khawh peng kan si.

Mipi sinah thawngpang thlazamh piak na duh si cun zeitik caan paoh kan i thlahzamh piak khawh zungzal hna. Kan thawngpang ṭialmi kongah, pehtlaih a duhmi nih Salai J Vanduhthar Lahnin ah pehtlaih khawh peng kan si. Cun, kan ca a kan rel piaktu nan dihlak cungah kan ilawm. Upatnak he Admin