Hakha ah Lai thil a firtu timi Pi Ni Zii nih thil sining a von chim cang a biachim uar um taktak

Chin News

26-11-2020(Nili Ni)Dawtnak Phun dang Ruahning Phun Dang: FB Online chung ah mawhchiatnak dang zaangfahnak dang.. aa cawhtthup mi cung ah Tinaa Nu thil tuahmi:

Image may contain: 1 person, close-up

“Pa Hu nihin ah Pi Ni Zi kong an postmi ka rel.Ka zaangfak tuk i Kyats – 100,000/- te, in kua ning law na va ka pek piak kho hnga maw” tiah a ka ti. “Ka pek khawh lai” tiah ka leh.

Nihin cu Pi Ni Zi cu a inn ah ka va ton. Thil sining le a ngaihchiatnak tampi a ka chimh.

Image may contain: 1 person, close-up

“Pathian he kaa naih chinnak ah cang ko seh law..Chinosi Mino Bu nih an tuah awk a si ko. An cung ah lungfah hleinak ka ngei lo. Hmailei caan ah keimah siseh, midang zong si hna seh nun ziadawh tu in kan nunnak hnga ah lam hruaitu tha a si lei ko lai e” tiah a ka chimh.

Thla camnak ka ngeih piak hnu ah Kyast- 100,000/- hi kan cohlan piak sawh tiah ka nawl ii a ka hlaan. Pathian sin ah aa lawmhnak le Tinaa Nu sin ah aa lawmhnak a phuan dih in ka ṭin ṭhan. Mi zeipoah kan lungthin putning cio hoih in Pathian nih thluachuah kan pe cio ko seh. Amen. Cung Hu/Tinaa Nu

Hi kongah Hakha Chin Oo Sii Mino nih thawngthanhnak an rak tuahmi kan rak taar chih ṭhan. 2020 November 24, Chin Oo Sii Sang inn pakhat an um lo karlak ah a lut i, an thingkuang a bauh, Lai puan le Laihne a lak ca ah, Sangmi nih kan tlaih. Cucaah, nan sang le nan inn cio a rat tik ah rak i ralring cio hram u.

Cun, a bik in Chin Oo Sii sang chung ah fir hi atu le tu a um lengmang ca ah atu bantuk in theihternak le ralrinpeknak hi kan tuah mi a si. Sang chung mi hna zong, inn hrenh lo in kal tak lo ding le lenvah caan ah inn tha tein hrenh cio u, tiah Chin Oo Sii Mino nih kan in teihter hna.

Atu bantuk in kan vun langhter hi, a voi a tlawm ti lo. Pi Ni Zii hi a hlan zong ah thil a rak fir i, thong tiang a rak tla bal cang mi a si. Tutan zong ah thong thlak ding kan ti ko nain chungkhar lei nih mizapi sin tu ah ralrinpeknak le theihternak tu in kan tuahpiak ko u an ti ca ah, atu bantuk in kan langhter hi a si.

Upatnak he
Chin Oo Sii Mino Bu

Note: Hi ca hi, Chin Oo Sii Mino nawlpeknak tel lo le a ningcang lo in (perh hlei) in Social Media pawl nih kan zamhpiak hlah u.

Admin hmurka: Hi cabia kan taarmi kongah ca taartu lei he zeihmanh pehtlaihnak kan ngei loh! Media dang nih an taarmi kan rak taar chinmi a si.

Leave a Reply