Salai J Van Duh Thar Lahnin||Oct-26-10-2020|Hakha khualipi ah khua a sami kum (4) ngakchia nute atlaihhremtu pa Myat Thu Aung cu Hakha District Baiceih zung nih nihin October 26-10-2020 ah kum (10) chung thongthlak dingin bia an ceih piak, tiah thawng kan theih.

Hi kong he pehtlai in CHRO ah rianṭuantu pakhat a simi le tutan ah tlaihhrem a tongmi kan fanu kongah a lam kip in a cawlcangmi Mai Thin Yu Mon nih hitihin a taar langh ve.

“Hakha ah kum (4) ngakchia nute a tlaihhremtu pa Hakha district biaceih zung nih kum (10) chung thonthlak in biachahnak an tuah piak,” tiah amah pumpak facebook cahmai ah a taar.

Atu bantukin ngakchia nute tlaihhrem a ton hi July 24 ahkhan a si i an umnak sang chung ah a ummi pa Myat Thu Aung nih atlaihhrem hi a si. Kum tlinglo kum (4) ngakchiate zaangfahnak ngei loin a tlaihhrem hi cu lung a fak i ngaih a chia taktak.

July 24 ahkhan a cangmi a si i a tlaihhremtu pa lei nih Sihni an hlanmi pa dam loin a um caah biaceih zung chuah ding voihnih-thum pi an let i, tuzing lawnglawng ah a donghnak bik biacahnak an tuah piak khawh hi a si. Hi bantuk thil hi hruaitu hna nih kan zoh sawhsawh hna awk a si lo.

Hi bantuk lungput a ngeimi cu ṭihnung taktak khi an si. Khrihfa ram a simi Hakha khualipi i hi bantuk thil a um rihmi hi cu ngaihchia taktak khi a si. A cang te lai tiah a ruah zong ruah balmi thil zong a si loh. Kumtling cangmi hmanh si loin, kum (4) te lawng a si rihmi nih hi bantuk thil a ton hi cu lungfah lo awk hrim a ṭha lo.

Biaceih zung nih kum (10) nak fak deuh in, a fak bikin hremnak pe hna seh! Tlaihhrem a tongmi kan fanute zeitluk in dah a ngaihchiat lai i a lungdongh, lungfah lai mu. Hi bantuk thil hi Hakha khualipi ah a donghnak a tlun si cang seh! Share cio hna usih!

Hi kong ah Hakha mino, CHRO, Social Affairs Zung lei hna nih dirpi le tawlrel piak a si. Case an tuahpiak mi hi tlaihrem timh case pohma 376-511 in a si tiah thawng kan theih.

Admin hmurka: Chinworldnewsvening nih thawngpang kan ṭialmi hi kanmah nih kan phuah cawpmi kan ṭialmi a si lo. Mipi sinah adikmi thawngpang zamh hi kan i hmuitinhmi a si. Cun, thawngpang kan ṭialmi hi areltu mipi caah ṭhathnem santlaih, theihtleih ṭha siseh ti hi kan i hmuitin bikmi a si. Asinain, minung kan ti cu tlamtlinlonak tete zong a kho mi a si caah thawngpang kan ṭialmi kan palhnak a um  cun theihter khawh peng kan si.

Mipi sinah thawngpang thlazamh piak na duh si cun zeitik caan paoh kan i thlahzamh piak khawh zungzal hna. Kan thawngpang ṭialmi kongah, pehtlaih a duhmi nih Salai J Vanduhthar Lahnin ah pehtlaih khawh peng kan si. Cun, kan ca a kan rel piaktu nan dihlak cungah kan ilawm. Upatnak he Admin