Hakha A Ummi Cheukhat Cu An Tuah Taktak Ahcun Mitthli Tlaknak Caan A Phan Lai Ralrin An Pek Hna Hih A Poi Ko

Chin News

A poi tuk ee ti hlei hi cu chim ding bak hi a um ti lo. Chin Khuali asimi Hakha ah phungning loin sakmi inn 130 cu August thlah chungah tthet uh nan ttheh lo ahcun Cozah nih hma kan lak lai i kan i tthehpiak hna lai an tinak hi asi.

Pyine Sipin Comittee Hnuciahzihhmu Hlawn Sa Vung nih, ” Ralrinpeknak cu June thlah ahkhan Tualchuak Tadinca in Myone sipin nih kan rak chuah cangmi asi. Atu Myone Sipin nih a hrawh lomi phungning loin sakmi inn hna cu hrawh dingin Cozah he pehtlaihnak ngeihin timtuah asi. Hrawhnak ding caah Seeh ngan 5 (JCB) le Palik zong nih telpi an si lai.

Cozah Simanking thawk asi hlan ahcun hmunhma pa 8 lawng a um. Cozah nih Simanking a thawkin Coka tia tete in inn cu an sak hna. Cucaah Pyine Uk lei nih phungning loin sakmi asi tiah taza a cuai hna. Cu hna pawl nih an i thawh vemi cu hihi kan pipu, pupa hna nih an ngeihmi asi tiah an ti ve hna. Asinain tehte ca zeihmanh an ngei fawn lo. Puaisa minung 5 an um i acawtu hna zong hi Thantlang le Matupi lei an tam tiah theih asi rih fawn.

Hi hmuh hi Cozah nih Myotit Simanking caah a chiahmi kha asi. Kan pipu, pupa hna ro asi tiah an tlaih ve tikah atu bantuk in buainak a hung umi asi. Anmah nih an ttheh lo ahcun Cozah nih hmalakin kanmah nih kan in tthehpiak hna lak tiah ralrinnak an pek hna hi asi.
Source: Zalen Info

Leave a Reply