Griezmann Nih Barcelona-Ah Tthial A Duh Cang?

Sport

Griezmann Nih Barcelona-Ah Tthial A Duh Cang?

Related image

Atletico Madrid hmaikal Antoine Griezmann nih Bacelona-ah tthial a duh cang tiin Spanish thawngzamh ca minthang simi Mundo Deportivo nih a langhter cang. Griezmann hi nikum tthalchung mi cawk zuar ah khan Barcelona nih cawk dingin an rak duh nain amah nih a rak duh lo. Sinain atu tan Madrid an dirhmun a zoh tikah atu bantuk in Barcelona ah tthial dingin timhtuahnak a ngei cang,”tiin Spanish thawngzamh nih cun a langhter.

Spanish thawngzamh ca nih a langhter rih mi cu Antoine Griezmann le Barcelona manager Ernesto Valverde cu ton biaruahnak zong an ngei cang i, Biachahnak taktak a ngeih le ngeih lo cu atu tthalchung ah hin a fiang ko lai,”tiin an chim fawn.

Related image

Kan theih bantuk in Griezmann hi Atletico Madrid caah zumhtlak in um ko hmanhsehlaw Atletico a um chung paoh cu a phak ding tluk le a sining tluk in zeitik hmanh ah a si kho ding si lo i, trophy zong a lak ding tluk in a la kho lai lo timi a fiang ngaingai.

Nikum World Cup i France nih champion an lak ten zong ah khan Griezmann hi mipi an thangtthat pin ah Luka Modric nak hmanh in Golden Ball hmu dingah aa tlak deuh”tiah a chim mi zong an um hna.

Kum 27 lawng si rih mi hi Real Sociedad academy chuak a si i, Kum 2014-ah khan Real Sociedad in Atletico Madrid-ah a rak i tthial. Mah club pahnih pin cun club dangah a chuih rih lo.

Cun, Barcelona zong kumdang an rak sining tluk an phan kho ti lo timi cu pheh awk a ttha ti lo, Lionel Massi zong kum 30 leng a si ve cang tikah biatak tein an sersiam a herh cang i, Antoine Griezmann lawng hi Barcelona nih an duh bikmi a si,”tiah Spanish thawngzamh Mundo Deportivo nih cun a langhter.

Leave a Reply