Good News: Yesagyo Pengchung Khuate A Khangtu SAC Ralkap Kahdoh An Tong I 20 Hrawng Hell Ram An Kuat Hna. Magway ramṭhen lei Yesagyo pengchung khuate a khangtu SAC ralkap 50 hrawng le PDF hna cu August 13 ah voi thum an i kap tiah theih asi. Zinglei suimilam 6:30 ah voi khat, suimilam 10:30 ah voikhat le zaanlei suimilam 3:30 hrawng ah voi khat tiin nikhat chung ah kahdohnak voi thum a chuak tiah kahdohnak ah aa tel ve mi Daung Ngyi Naung tualchung hriantlai phu hruaitu pakhat nih a chim.

Kaphnih kar kahdohnak ah SAC ralkap 20 hrawng an thi lai, tiah Daung Ngyi Naungtualchung hriamtlai phu hruaitu pakhat nih cun a chim. Cu kahdohnak ah cun Daung Ngyi Naung tualchung hriamtlai phu Phoenix pah-kah-phah YLK pah-kah-phah Thwaythauk Revolution Force Myingyan pah-kah-phah phu Black Wolf PDF(MDY), Wlof Brothers Yesagyo PDF, le Yelaykyuntualchung hriamtlai phu le Nagani pah-kah-phah phufonh hna nih an kahdoh hna tiah theih asi.

AA le SAC Ralkap Kar Kahdohnak ah SAC Ralkap 7 An Thi I, 6 Tlaih An Tong! Nihin August 13, zinglei le zaanlei ah Rakhine ramkulh Maung taw chaklei le thlanglei, Yataetaung peng ah SAC ralkap le AA kar fak ngai in kahdohnak a chuak. SAC ralkap lei a thi an tam leng ah hriam thil zeimawzat kan lak khawh, tiah AA lei chimphuannak nawlngeitu U Khine Thu Khah nih a chim.

SAC ralkap le AA hna cu August 13 ah khan voi 3 an i kap i, kahdohnak ah cun SAC ralkap 7 an thi i, midang 6 tlaih an tong, tiah theih asi. Hi Maungtaw thlanglei Wailatauk lei zong ah kahdohnak achuak ṭhan i hriamngan kah thawng cu zinglei suimilam 10:00 hrawng in zaanlei hnu tiang kan theih tiah Minkhamaung khuami pakhat nih a chim. Maungtaw thlanglei ah SAC ralkap nih ramri an hngahnak sakhan a um i, hi Rakhine ralkap he atu le tu ti tluk in kahdohnak a chuahnak hmun zong a si.