Good News: US Um Mi Kan Lainu Muidawh Tungtai Rem Nih Raldo Tu Pawl Caah Thawngtha Tha Taktak Athanh. Atu lio kan Chin ram ah a cang cuahmah mi thawngpang kan theih le kan um hmun cio in kan thin a phang, kan lung a tur cio. Atu te ah saya Bedku Cenhrang nih thawpi chuah cawn a herhnak kong post ka van hmuh le a rannak in ka mawtaw chung ah ka thiam tawk in thawpi chuah cawnnak 3 minutes video ka van tuah zok. Leng ka chuah lio a si caah ka duhning in ka chim ka cawlcang kho deuh lo zaangfah tein rak ka theihthiam hram uh.

Thawpi chuah cawn le thiam hi thil te tuai te a lo nain kan thinphan thlalaunak a dam deuhnak ding ca ah mi a bawm tuk mi, therapy coun seling ah hman lengmang mi a si. Kan himnak ding ah a biapi mi biakhiahnak tuahnak ding zong a kan bawmh khawh fawn. Mah video nih hin minung pakhat pa hnih tel caah thathnemnak chuah pi hram seh ti hi ka thlacamnak si.

Kan dawtmi kan Chin miphun, chungkhar, le hawikom Bawipa nih himnak he in huppeng ko hna seh. Ni dawh a chuak than lai. Tihphannak um lo in mitkuh cim tein hngilh khawh caan a um than lai. Nuam tein kan dawtmi hna le hawi le he zalam len ti caan a um than lai. Kan nau le kan fa le nih thawng inn pawng kam ah a thang than te lai. Kan i ruahchannak cu Bawipa hi si ko seh.