Good News: Thantlang Ah Thawngpang Tha Taktak Theih Asi Chinland Defense Force-Thantlang nih ralhrang 15 hrawng an thah hna tiah September 6 ah Hakha le Thantlang kar hmun pakhat ah ralhrang thazaang 80 hrawng le CDF Thantlang i kahnak a chuak ralhrang 15 nak tlawm lo an thi hliammi an tam tiah theih a si. CDF Thantlang in hliammi an um lo.

Nizaan September 6 zaanlei nazi 5 in 6karlak ah Hakha le Thantlang karlak ah CDF le Kawl ralhrang karlak kahdohnak biatak in achuak i SAC ralhrang lei hliampu le mithi an tam ngai tiah thawng kan theih. Hakha le Thantlang karlak ramlak ah SAC ralhrang pawl riahbuk an sual lio ah CDF nih an kah hna i ralhrang 15 cung hliampu le mithi an um lai tiah an zumh. CDF lei in hliampule mithi an um lo. Nizaan kah dohnak kong he pehtlai in CDF nih nihin zaanlei ah thawngthanhnak zong an tuah.

Thawngdang Tuzing September 7 ah NUG nih D-Day a thanh cang caah a hlannak in kahdohnak zong a chuak kho mi a si. Mah ruangah ralrin tein um dingin KIO chimnak nawlngeitu Col. Naw Bu nih mipi sin ah bia a cah. Col. Naw Bu nih NUG cathanh he pehtlaih in KIO nih zeihmanh ruahnak kan chuah rih lo nain, hmunkip ah kahdohnak a chuak kho mi a si caah mipi ralrin tein um a herh ti chim ka duh.

Kahdohnak a chuak te ko lai. NUG le PDF nih zeitluk dah rian an tuan khawh ti mi cu mipi cungah a hngat ko.Rampi huap in an thanh mi a si tikah atu nak tam in kahdohnak a chuak te kho mi a si. Kachin le Sagaing ramri KIA le ralhrangbu i kahnak ruangah ralhrangbu hna nih nuhrin covo an buar nak kong he pehtlaih in mipi nih thawng an thanh lengmang a hau. Bu pakhat khat sin ah thawngthanh hi a biapi ngai mi a si. Kan dihlakin kan tanti a herh tiah Col. Naw Bu nih the 74 media sin ah a chim.