Good News: Teinak Kan Hmu Cia Cang Ralhrang Vialte Cu An Zam Dih Cang Min Aung Hlaing Cu Athinhung Tuk . Hi thawngpang hi a dik ahcun lawmh a um tuk hringhran ko lai. Ralkap Tatzin pakhat an dihlak in, an hriamnam tling te CDM an lut Mipi lei ah an dir tiah Minn Khant timi nih a tarlangh. Hi thawngpang hi Breaking News bantuk a si rih, a tarnak minute tlawmte lawng a si rih i ramchung media zeihmanh nih fehternak an tuah rih lo pin ah an langhter rih lo.

NUG Cozah nih D-Day a thanh bak in Ralkap Kha-Lah-Ya Tatzin (991) cu an dihlak ning in, hriamnam puitling he mipi lei ah an dir. Cun ni hin an zaam ah Ralkap raldohnak Helicopter pakhat le Raldohnak Tank motor 3 an i kal pi chih tiah Dr. Moe Nyo credit pek in a tarlangh hi asi.Hi thawngpang hi a dik ahcun lawmh a um tuk hringhran ko lai. Ralkap Tatzin pakhat an dihlak in, an hriamnam tling te CDM an lut Mipi lei ah an dir tiah Minn Khant timi nih a tarlangh.

Thawngdang Kalaymyo Town Hall Hmai Ah Bomb A Puak Ralhrang Kutin Pakhat A Hliam. Nihin September 7 chun suimilam 12 hrawng ah Sagaing ramthen, Kalaymyo town hall ah bomb pakhat a puak tiah theih a si. Bomb a puak ruangah minung a thi mi le a hliam mi an um lo nain ralhrangbu nih meithal an puah ruangah civil mi pakhat kuan nih a khen i,hliam a tuar tiah theih a si.

Hi kong he pehtlaih in a pawngkam ah a um mi pakhat nih; bomb hi town hall hmai ah a puak mi a si.A puah hnu tlawmpal an ralhrangbu hna an rak phan i, duh paoh in meithal an puah ruangah lam a chawk lio mi pakhat a khen tiah a chim. Town hall hmai ah bomb a puah hnu tlawmpal ah Kalaymyo palek riahbuk pawngah bomb a puak than tiah DVB news nih a tial.

Thawngdang Hledkone(လွည္းကူး) peng ummi eidin tirawl a harsa mi Chin le Myo ralzaam chungkhar hna caah facang le eidin tirawl an hlut Rakhine ah a cang mi kahdohnak ruang ah Chin le Myo chungkhar 200 leng cu Yangon ramthen Hleb Kone (လွည္းကူး)peng ah a luancia ni 2 ah khan an umnak hmun kal tak in a zaam mi chungkhar hna cu tulio ram buai le Covid -19 a karhtuk ruang ah rian ngei lo, bawmtu ngei lo in an um caah an har tuk thiah theih a si.

Mah caah cun kanmah Rakhine ram chung um Chin Sianghleirun siangngakchia phu CUSR nih mah chungkhar hna bawmh khawhnak ding ah kan i timtuah i August 28 thok in bawmtu kan kawl i an hlut mi zapi (1093000) kan hmuh i chungkhar khat ah Facang Pi2 le chungkhar minung tam deuh caah Facang Pi 3 le eidin dangdang hna bawmhnak kan pek khawh hna.

Kanmah CUSR nih an hlut mi phaisa cu tha tein kan then hna i pia khat te hmanh bau ter lo in a hmu tu ding hna sinah ralzaam hna sinah le rianrang in bawmh a herh mi hna sin in va pek khawh ding in kan i zuam i,i zumhnak a um khawh nak ding caah thawng kan thanh peng ko tiah an chim. Bawmhnak hna cu tluk tein tuah dih in ralzaam hna sin ah a phak khawh nak in a kan bawm tu MUSA in kan unau hna le zumhnak he bawmhnak ah a tel mi bawmnak petu hna cung ah Rakhine ram ah a ummi Chin Sianghleirun phu CUSR nih kan i lawm tuk tiah an chim.