Katha pengkomh ah CDM a tuahmi palik le ralkap 80 hrawng an si. Sagaing ramṭhen Katha pengkomh chungah hramhram in uknak a latu sin ah rianṭuan duh loin CDM a tuahmi palik le ralkap 80 hrawng an um cang tiah Katha hmunhma hriamtlai phu nih an thanh. Hramhram in uknak lak a si hnu ah CDM a tuah colhmi an um bantuk in CDM tuah a duh ko nain a ruang tampi ruangah a hnupi ah har ngai in CDM a tuahmi an tam tiah Katha PDF chungtel 1 nih DVB ah a chim.

Tuni tiang CDM a tuahmi palik le ralkap 80 hrawng an si i CDM a tuahmi palik le ralkap an um bantuk in tuan tein CDM a tuah cang ko nain mipi he pehtlai loin a ummi zong an um. Atu hnu ah, chuahnak caan a ngei i CDM a tuahmi zong an um. CDM atuahmi pawl nih an chimnak ahcun SAC ralkap chungin CDM a tuah duhmi tampi an um rih. Chuah caan an ngeih rih lo caah an chuak kho rih lo i asi tiah a chim.

Katha pengkomh CDM a tuahmi chung in a tam deuh hi ralkap an si i palik hi tlawmpal te lawng an si tiah theih a si. CDM a tuahmi ralkap pawl hi Katha pengkomh ah kahdohnak a tuahmi No. 88 Infantry kuttang ralkap le Katha pengkomh ah hmunhma a khuarmi ralkap pawl an si. CDM ralkap pawl nih SAC ralkap pawl a doh ṭhanmi an um rih lo tiah Katha PDF rianngeitu nih a chim. Cheukhat CDM a tuahmi cu tuan tein an chuak i kahdohnak a tuah ṭhanmi zong an tam. Ralkap cu kahdohnak a tuah ṭhanmi an um rih lo.

CDM ralkap pawl nih kahdohnak ah i teltum ṭhan an duh ko nain hriam pek ding ah a tamtlin deuh rih lo caah himnak hmun ah kuat an si tiah a chim. Kathar peng chungah June 11- 21 tiag Kathar pengkomh PDF battalion 3, ABSDF le EROs phu fonh le SAC ralkap karlak ah kahdohnak hmun 6 ah a chuak i SAC ralkap 140 hrawng an thi tiah Kathar peng mipi hriamtlai phu nih an rak thanh.