Good News: SungSung Nih Thantlang Mipi Caah Thawngtha Taktak Akan Thanh. Thantlang khua mipi caah innka kan i onh peng hna lai thangtlang khuachungah kan pipu le hna nupawl siseh pasal hna kan fanu tiin CDF Chungah nunnak pek ngam tiangin riantuan tak mi nu le pa nausem ngei mi hna khuate laiah i dor chugnah aduh ve ko mi nain dornak angei lo mi hna nan um sual ah cun saisih chuak bungtlang khu ah kan inn welcome hna. Nan caah kutka kaupi in an on zungzal ko lai khah. Zeitik caan ah chun he zaan he kutkhat onh peng nan si lai. Kan i phah kan ti le rawl cu nan ca zongah atel ve i nan duh ning pohin nan um kho ve tinak khi asi.

Khah Dalan An Tam Tuk Cang Tiah Hleku Volunteers 4 Cu Ralhrang Nih An Tlaih Hna. Hleku ah Volunteers tuanmi mino 4 Mah cu Nizaan tihni September 8 nizaan ah an tlaih hna. Hriamtlai ralhrang le palek hna cu thilthuam sawhsawh in zaan suimilam 12:00 hrawng ah Hleku Myoma veng ah  chiatthat ah bawmchantu phu cu an phan i phu dirh tu telh in minung 4 cu an tlaih hna i mi harsa bawmh nak mawtaw 2 le an kut tlaih phone hna an chuh dih hna tiah khuami hna nih an chim.

Myoma Metta chiatthat bawmtu phu cu August thla in dirh hram an thok i Myoma veng chung ah mizaw hna cu Siikhan Siizung leiah an va thlah hna Mask pawt Sii kah eidin pawt nak hna an tuah. Ralhrang lei thawngthanh tu Dalan an tam tiah khuami hna nih an chim nak Hleku ah peng 5 cu ralhrang hna nih kinhmi khuabawi hna inn cu ralhrang hna nih Security an chiah hna tiah theih a si. The Chin Post

 

Thawngpang dang: Kayin ralkap KNU le ralhrang phu kar kahdohnak kong KNU nih ralhrang phu umnak sakhan an lak khawh tiah thawng theih tik ah online cung ah rianrang in tarlangh lo ding theihter nak cathanh cu KNU nih nihin ah a chuah.

“Hmunkhat ah tan pi ding in nawlnak” tiah tlangtar in theihternak cathanh an chuah mi ah kahdohnak le cawlcanghnak thawng cu online cung ah rianrang in thlah a si ah cun, kan ral hna sin ah thawngthanh cia le theihter cia bantuk a si caah ral kan doh cawlcanghnak ah KNU nih a tuah ding mi timhtuahnak vialte hnahnawhnak a pek khawh tiah an langhter.

“Tuahkel ahcun KNU le ralhrang phu kar kahdohnak a chuah hnu ah ralhrang phu hna nih vanlawng he bomb thlak hnawh in kah nak le an mah ralhrang phu bawmtu minung an thlah tawn. Cu ruang ah KNU nih chungtel ralkap vialte kahdohnak a dih hnu a humhimnak hmun an phanh than tik lawng ah online cung thawngzamh ding in kan in nawl hna” tiah an langhter. The Irrawaddy