Good News: Sagaing Le Magwe ah Rallokap Hna Cu An Tei Khawh Nak Dingin Mipi Vengtu Phu 14 An I Fonh. Sagaing ramthen le Magwe ranthen ah rallokap hna cu an cihmih ding in mipi vengtu phu 14 cu hmunkhat ah kutsih ding in September 5 ah phu 14 hna cu kan i fonh cang tiah an thanh. Sagaing ramthen chung ah uknak tha lo a dih tiang hloh nak ding ah tinh mi khat unau hna he i kutsih in rallokap chan a dih tiang kan tei hlan lo hmunkhat ah kan doh lai tiah bia i kam in i fonhnak kan ser hi a si tiah an langhter.

A fonhmi mipi vengtu phu 14 cu Chaung U People’s Defense Force CHU PDF 27 Revolution Forces Myin Gyan PDF Pakokku People Defense Force PPD People Defense Force Yesagyo,Ayiadaw peng dothlen bu Mawlaik People’s Defence Force MLPDF Shwe Bo PDF (GR) People lei Defense Foce DPY Minmu peng mipi veng tu phu MMU PDF Myaing peng mipi veng tu phu MYG PDF Sagaing mipi veng tu phu SGG PALE People Defense Force, Myaung peng mipi veng tu le Security phu CDSOM hna an si. The chin post

Thawngdang Google nih Aghanistan cozah nawlngeitu hlun hna email account cheukhat hna cu Taliban lak ah an him khawhnak dingah a phih piak chung hna tiah theih a si. Taliban hna nih Afghan cozah hlun riantuannak le ramdang he pehtlaihnak digital document pawl ngeih ding le an duh lo mi hna an tlaih khawh dingah an account hna cu fir an timh tiah theih a si.

Hi kong he pehtlaih in google nih Afghanistan dirhmun hi kan ngiat lio pi a si. Taliban hna nih Afghanistan cozah hlun riantuantu cheukhat hna account cu fir piak an timh ruangah rianngeitu hlun cheukhat hna account hi kan khar piak chung mi a si tiah Reuters sin ah a chim. Taliban pawl nih vuanci zung riantuannak vialte cu a ningte in chiah dingin an kan ti. Mahti kan chiah ahcun vuanci riantuannak vialte an lak dih ko lai tiah a ti. Reuters nih a chim ningah Afghanistan cozah hlun i president office telin finance, industry, education le mines ministry telin ministry 20 leng nih pehtlaihnak google server an hman i, foreign ministry le agency dang vialte nih Microsoft email software an hman tiah a ti.

Mah lawng si lo in Taliban pawl nih US nih a rak bunhcia mi digital infrastructure vialte cu control dih a timh lio a si i,hi nih a ngah ding mi information hna cu Taliban hna caah man a ngei taktak mi a si tiah internet intelligence pakhat a si mi Domain Tools in security researcher Chad Anderson nih a chim. Taliban nih nawlngeihnak an lak hnu vawleicung ram hna mithmai tha co nak ding caah a hlan bantukin cawlcanghnak kan tuah lai lo an ti nain, tu nai hrawng thawkin Kabul le hmun cheukhat ahcun mithah, lainawnnak tuah hram an thawk hoi cang tiah New York Post nih a tial.