Good News: Ralhrangbu Nih Rak i Kap ti Hlah Uh! Ngol Cang Ulaw Tiah NUG Nih Thawngtha Taktak Akan Thanh. Ralhrang phu hna nih ramdeihnak caah kan tuan lai tiah an chim nai atu tiang ah tlangcung hriamtlai phu hna hmunhma ah minung thazaang tampi hmang in kahdohnak an tuah caah NUG nih September 5 ni ah cathanh a chuah hi a si. Cu bantuk kahdohnak le harnak ruang ah Kawlram chung um minung tampi nih umhmun kaltak in ralzaam dirhmun an phanh khawh caah NUG nih kahdohnak kong he pehtlai in thawngthanhnak ah an langhter.

Cun ralhrang phu hna nih tlangcung hriamtlai umnak hmunhma tampi ah kahdohnak an tuah mi cu vawlei lei kahdohnak lawng si lo in vanlei kahdohnak zong an tuah caah, tlangcung mi hna umnak hmunhma kip in mipi hna nih umhmun an kal tak tiah NUG nih cathanh ah a langhter. Ralhrang phu hna nih an thil tuah mi kong ah NUG nih lungtlin lo nak le, mipi hna doh ding in bawmchan tu hriam thilri cawk ding ah bawmhchanhnak a tuah tu cozah, bu kip hna cu lungtling lo/ ka doh kalh tiah cathanh mi ah a langhter.

Thawngdang Google nih Aghanistan cozah nawlngeitu hlun hna email account cheukhat hna cu Taliban lak ah an him khawhnak dingah a phih piak chung hna tiah theih a si. Taliban hna nih Afghan cozah hlun riantuannak le ramdang he pehtlaihnak digital document pawl ngeih ding le an duh lo mi hna an tlaih khawh dingah an account hna cu fir an timh tiah theih a si.

Hi kong he pehtlaih in google nih Afghanistan dirhmun hi kan ngiat lio pi a si. Taliban hna nih Afghanistan cozah hlun riantuantu cheukhat hna account cu fir piak an timh ruangah rianngeitu hlun cheukhat hna account hi kan khar piak chung mi a si tiah Reuters sin ah a chim. Taliban pawl nih vuanci zung riantuannak vialte cu a ningte in chiah dingin an kan ti. Mahti kan chiah ahcun vuanci riantuannak vialte an lak dih ko lai tiah a ti.

Reuters nih a chim ningah Afghanistan cozah hlun i president office telin finance, industry, education le mines ministry telin ministry 20 leng nih pehtlaihnak google server an hman i, foreign ministry le agency dang vialte nih Microsoft email software an hman tiah a ti. Mah lawng si lo in Taliban pawl nih US nih a rak bunhcia mi digital infrastructure vialte cu control dih a timh lio a si i,hi nih a ngah ding mi information hna cu Taliban hna caah man a ngei taktak mi a si tiah internet intelligence pakhat a si mi Domain Tools in security researcher Chad Anderson nih a chim.

Taliban nih nawlngeihnak an lak hnu vawleicung ram hna mithmai tha co nak ding caah a hlan bantukin cawlcanghnak kan tuah lai lo an ti nain, tu nai hrawng thawkin Kabul le hmun cheukhat ahcun mithah, lainawnnak tuah hram an thawk hoi cang tiah New York Post nih a tial.
Ref; New york post