Good News: Ralhrang Dalan Nu Nak In Atungtai Rem Dawh Deuh Mi Kawl Nungak Nih Ralzam Caah Thil Tha Taktak Atuah. Model Lu Lu Aung nih ramchung ralzam zohkhenhnak le nun chanchuah nak caah tiah Kawlram phaisa in Ks. 1,000,000 bomh nak a pek ve tiah theih asi. Lu Lu Aung cu a thiltuah mi ruang ah a miphun nih an hun thangthat ngai ngai. Hi bawmhnak phaisa cu Concern, Care and Contribute to the IDPs Now timi riantuantu phu si ah pek a si i an mah nih a herhnak hmun ah an va pek piak.

Concern, Care and Contribute to the IPDs Now timi nih a mah Lu Lu Aung pumpak sin zong ah an lung lawmhnak an langhter. Model Lu Lu Aung nih bawmhnak phaisa a pek mi cu tlamtling tein kansin ah cohlan a si cang. Hi Phaisa hna hi Kachin ramkulh chung a um mi ralzam pawl, cun ralzam ngakchia hna caah a herhmi thilri, Sii-ai tibantuk ah hman a si lai.

Bawmhnak kut a samh tu Model Lu Lu Aung le a chungkhar cung ah Pathian thluachuah tlung chin sehlaw a riantuannak ah hlawhtlinnak hmu chin hram seh” tiah CCC Team nih an lung lawmhnak zong an langhter hi asi. Ahmanthlak athlah mi hmanh ah hin tangka tamtuk ahmu mi asi i cu bantuk in cun amah dawtu mipi zong adawt ve nak hna langhter cang hih!