Pu Siang Mang is my HERO! The only elected MP from CNLD party Pu Siang Mang who instantly reject the illegal military appointment as Chin State SAC head is My Hero! PU SIANG MANG CU PASAL TTHA ASI. CNLD Party in amah lawng MP atlingmi Pu Siang Mang cu Kawl ralkap nih ningcanglo in uknak an lak hnu ah SAC Chin State Chief ah an fial mi a el hna caah Lai Pasal Tha asi. Mitthalo hna khuakan nak ah itel lo ding kha Baibal ca zong nih a kan cawnpiak mi asi. Civil Disobedience Movement hi ahme angan ti um lo in kan zapi in kan i tel, kan ttantti ah cun kan tei hrimhrim lai. Salai Bawi Lian Mang

Relchih: 𝐒𝐚𝐭𝐚𝐧 𝐁𝐚𝐧𝐭𝐮𝐤 𝐊𝐚𝐰𝐥 𝐑𝐚𝐥𝐤𝐚𝐩! Ramdang ah cun cozah nih hngakchia sianginn kainak ah tangka an pek hna. Kawl ralkap nihcun mipi inn duah ding le zapi dinmi ti ah thih sii paih dingah tangka an pek hna. Ramdang ahcun cozah nih nu hna nih himnak an hmuh khawhnak ding tangka tampi dihim an run ven hna. Kawl ralkap nihcun zapi dinmi ti ah thih si paih dingah an fial hna i tangka an pek hna.

Ramdang ahcun police le ralkap cu zapi zohkhanhtu le mipi vengtu an si i, Kawlram police le ralkap pawl cu miding mifel hna tlaitu, thattu le misual hna hmangin inn khangh le thih sii paihtu an si. Vawlei cungah hitluk in a sualmi le tihnung mi ralkap cozah bantuk hi an um ti hnga maw? An pu Satan le khuachia thinlung le ruahnak bantuk a ngeimi kawl ralkap nawlngeihnak cu dih zawkzawk cang ko seh!

Min Aung Hlaing le a minung vialte Hell ah va tla dih hna seh – tiah ka van ti sual dengmang cu a! Ralkap nawlngeihnak le uknak a dih hlan lo cu kan doh a herh ko. Kawlram mipi hna nan thazaang rak chuah chin lengmang u! Ramdang in kan in dirpi peng hna hi. ‘’Teinak cu Bawipa ta a si’’ (Jonah 2:9). Credit: Abraham Sang Nawl

Relchih: Tuzaan suimilam 1:00am in ramchung internet line kan phih lai” ti asi. Kawl ralkap nih tuzaan suimilam 1:00am hnu in suimilam 8 chung Kawlram dihlak internet phih an timh tiah phone operator lei zong nih an langhter cang. Mipi nih an zumh ning ahcun “Thaizing hi rampi dihlak in CDM tuah timh a si. Cu caah Kawl ralkap lei nih CDM a tuah mi cozah riantlai dihlak cu zaan ah tlaih a timh hna cu lawng si loin khuapi chung ah a thlah mi hna misual pawl caah hmunhma serpiak buainak chuah ter an timh” ti a si.

Zaanlei sang khan Mitkyina hna ahcun Ralkap lei nih meithal an puah len cang. Cu lawng si loin Kawlram chung khuapi kip ah Ralkap raldohnak tank pawl an chiah cuahmah. Cu bantuk in Hakha khua chung zong ah Ralkap tank le motor pawl an vak len cang. Tuzaan ah khan Ralkap pawl cu loudspeaker in Hakha khuapi chung ah an au “Ralkap le palik nih mipi kan in runven ko hna. Mipi lei zong nih upadi kan chuahmi zul in rak kan bawm ve hram u,” tiah tuzan sml. 11:00 hrawng in au an thawk.

Min Aung Hlaing nih thongtla pawl mipi hnahnawhnak pek le inn lo duah piak mithah lainawnnak tuah ding in a thlah ko hna nain mipi lei nih Security an lak tuk ve, an tlaih tuk ve hna caah tuzaan ahcun internet line phih dih, an mah hrimhrim cawlcangh an tim cang ti nak a si ko. Atu hi Kawlram lei internet line cu an phih cuahmah cang lai. Cu caah zumtu dihlak nih thlacam bawm hna usih, tuzaan ah thisen luannak tlaihkhihnak fak tuksapur thil a chuah lonak ding ah thlacam bawm cio hna usih. Ref: L.K.J