Good News: Min Aung Hlaing Kuttang Kan Um Duh Ti Lo Tiin Palik 10 Nih CMD An Tuah

Myanmar News

Ni Kua Chung Ah SAC Ralkap Le Palik 10 Nih CDM An Tuah Tiah CDF Paletwa Nih Thanh. Chin ramkulh, Paletwa peng in ni kua chung ah SAC ralkap le palik 10 nih CDM an tuah, tiah CDF Paletwa nih nizan December 10 ah an thanh.

Chin ramkulh, Paletwa pengkomh Shinletwa khua ah hram a bunhmi beohar 3 in SAC ralkap Khah Lah Yah 299 in Kyaw Htet Way le Deputy Sergeant Naing Lin Aung cu November 29 ah CDM an tuah, tiah CDF Paletwa nih cathanh an chuah.

Cu pinah December 7 ah Shinletwa sakhan ah rian a ṭuanmi palik 8 zong mizapi sinah an i fonhnak kong an langhter.

Mizapi sinah aa fonmi SAC ralkap le palik nih hriamnam he CDM an tuah le tuah lo cu an cathanh chung ah an langhter lo. SAC ralkap le palik 10 cu a himnak hmun ah an chiah hna i CDM tuah a duhmi hna zong lunglawm tein an don hna nak kong CDF Paletwa nih an langhter. Ref: The Chin Post

Leave a Reply