Good News: Min Aung Hlaing Cu Athinhung Tuk Cang Lai Aralkap Nih An Hlen Than. KNU Brigade 5 Ah SAC Ralkap Pyi Phyo Aung Cu Hriamnam He A Lut KNU Brigade 5 hmunram Hpaponpengkomh chung ah a ummi SAC ralkap Kha La Ya 405 in ralkap Pyi Phyo Aung cu July 9 zinglei ah KNLA sinah hriamnam he a zam tiah theih asi.

Pyi Phyo Aung cu Khu Tu Htar, May Way hmun ah a ummi SAC ralkap riahcaw a phortu a si i, meithal MA3 zunkhat le a kuan 70 he KNLA sinah a lut, tiah MuTaw thawngpang nih a langhter. Kha Ma Ya 405 cu Tanintharyi ramṭhen, Tayatchaung khua ah umhmun khuar mi an si i HtarWay Battalion 1 kuttang an si.

Thawngdang India Ram Ah Zu Chia An I Din Sual Caah Minung 28 An Thi. India ram nitlaklei ah Chemical in sermi zu an din ruang ah atu hi minung 28 an thi i minung 60 leng cu fahtuar in an um tiah țuanvo ngeitu hna nih July 26 ah an chim. Hi bantuk in thihnak cu Gujarat ramkulh Ahmedabad le Botad khuapi hna ah a cangmi a si i cu ramkulh ah zu chuan le zuar an khap nak hmun asi.

Tu bantuk in thil a cangmi ah hin zu an serchuah nak ah hin zei bantuk chemical thilri a hman ti cu fiang in kan thei kho rih lo tiah nawlngei tu Mukesh Parmar nih a chim. Gujarat ramkulh, Palik bawi Ashish Gupta nih a tu bantuk in thli tein zu an zuarnak kong he pehtlai in lung hrinh mi hna cu kan tlaih hna i kan hren ko hna tiah a chim.

Phungning lo in zu chuanmi an din ruangah an thih nak cu India ram ah a cang bik mi man fawi tein a tha a pin nak caah zu chung in rungrul thahnak sii hna le Chemical thilri hna an cawh tiah theih a si. Phungning lo in zu a zuar mi hna zong ngunkhuai pek lo in sifak mi hna cu zu manfawi tein an zuarh hna i cu bantuk in phungning lo in zu a chuangmi le a zuarmi hna cu India ramchung ah tangka tampi a chuahpi kho tu sehzung riantuan nak a si tiah theih a si. 2020 kum ah India ram chaklei Punjab ramkulh ah a thianghliam lo mi zu an din ruang ah minung 120 leng an thi bal cang .